Maqsat – túsindirý men nasıhattaý
Senbi, 12 qańtar 2013 7:54
Parlament Májilisiniń depýtattary Serik Úmbetov, Nurlan Jazylbekov jáne Senat depýtaty Nurlan Súleımenov aımaqtardaǵy saılaýshylarmen júzdesý úshin Almaty oblysynyń ákimi Ańsar Musahanovpen birge Qaskeleń qalasyndaǵy Súleımen Demırel atyndaǵy ýnıversıtette boldy.
Senbi, 12 qańtar 2013 7:54
Parlament Májilisiniń depýtattary Serik Úmbetov, Nurlan Jazylbekov jáne Senat depýtaty Nurlan Súleımenov aımaqtardaǵy saılaýshylarmen júzdesý úshin Almaty oblysynyń ákimi Ańsar Musahanovpen birge Qaskeleń qalasyndaǵy Súleımen Demırel atyndaǵy ýnıversıtette boldy.
Depýtattar Memleket basshysy Nursultan Nazarbaevtyń 2050 jylǵa deıingi damý strategııasy týraly tarıhı Joldaýynyń negizgi baǵyttaryn halyqqa túsindirý jáne nasıhattaý barysynda aımaqtarǵa attanǵan bolatyn. Osy maqsatta olar ýnıversıtettiń oqytýshy-professorlar quramymen júzdesti.
Sondaı-aq, depýtattar Qaskeleńdegi 2012 jyly paıdalanýǵa berilgen orta mektepte bolyp, ustazdar ujymymen kezdesýde orta bilim berýdi damytý máselesin talqylady.
* * *
Parlament Májilisiniń depýtattary Memleket basshysy Nursultan Nazarbaevtyń 2050 jylǵa deıingi damý strategııasy týraly tarıhı Joldaýynyń negizgi baǵyttaryn halyqqa túsindirý jáne nasıhattaý barysynda aımaqtarǵa attanǵan bolatyn.
Atalǵan maqsatpen Májilis depýtaty Jeksenbaı Dúısebaev Aqmola oblysynyń Shortandy aýdanyndaǵy Naýchnyı aýylynda bolyp, A.Baraev atyndaǵy ǵylymı-zertteý ınstıtýtynyń ujymymen kezdesý ótkizdi.
Sondaı-aq, depýtat sol kúni aýdan ortalyǵy – Shortandyda aýdandyq máslıhat depýtattarymen jáne saılaýshylarmen júzdesip, Elbasy Joldaýyndaǵy jergilikti ózin ózi basqarý men jumyspen qamtý máselelerine qatysty memlekettik baǵdarlamalardyń qalaı júzege asyrylyp jatqandyǵy jaıyndaǵy oılarymen bólisti.
* * *
Qazaqstan Respýblıkasynyń Prezıdenti – Elbasy N.Á.Nazarbaevtyń Qazaqstan halqyna Joldaýyn óńirlerde nasıhattaý jumystaryn júrgizý maqsatynda Parlament Májilisiniń depýtattary U.Sádibekov, O.О́ksikbaev, Q.Jabaǵıev, T.Asanov, O.Asanǵazy, S.Sorokın Jambyl oblysyndaǵy jumys saparlaryn bastady.
Májilismender áýeli Taraz qalasynyń turǵyndarymen kezdesýler ótkizdi. Kezdesý barysynda elimizdiń osy jylǵa deıingi jetken jetistikteri naqty málimetter arqyly baıandalyp, Elbasynyń «Qazaqstan-2050» Strategııasy boıynsha alǵa qoıǵan mindetteri tóńireginde baıandamalar jasaldy. Májilismender túrli suraqtar boıynsha naqty jaýaptar berip, kezdesýge qatysýshylar Elbasy bastamasyn úlken yqylaspen qoldaıtyndyqtaryn málimdedi.
Sonymen qatar, Májilis depýtattary Taraz qalasyndaǵy Kerimbaı atyndaǵy №12 orta mektep bazasynda qala turǵyndarymen kezdesý ótkizip, Elbasy Joldaýy boıynsha túsindirý, nasıhat jumystaryn júrgizdi.
Kezdesýden soń memlekettik «Balapan» baǵdarlamasy aıasynda salynǵan «Er tóstik» balalar baqshasymen jáne turǵyn úı- kommýnaldyq sharýashylyqty jańǵyrtý baǵdarlamasy boıynsha jóndeýden ótken «Samal» shaǵyn aýdanyndaǵy №11 úıdegi jumys nátıjelerimen tanysyp, turǵyndarmen áńgimelesti.
* * *
Parlament Májilisiniń depýtaty, «Halyq kommýnısteri» fraksııasynyń múshesi Jambyl Ahmetbekov Mańǵystaý oblysyna Memleket basshysy Nursultan Ábishuly Nazarbaevtyń 2050 jylǵa deıingi damý strategııasy týraly tarıhı Joldaýynyń negizgi baǵyttaryn halyqqa túsindirý jáne nasıhattaý maqsatymen bardy.
Jambyl Ahmetbekov óz saparyn QHKP oblystyq komıteti aktıvimen kezdesýden bastady.
Ol jınalǵandarǵa «Halyq kommýnısteri» depýtattyq fraksııasynyń jumysy jáne óziniń Parlament Májilisi áleýmettik-mádenı damý komıtetiniń quramyndaǵy jumysy jóninde aıtyp berdi.
– О́tken jyl ishinde bizder 91 zań jobasyn qarastyrdyq, olardyń 76-sy Senatqa joldandy. Partııamyzdan saılanǵan depýtattar Májilistiń barlyq jeti komıtetinde qyzmet atqarady, – dep Jambyl Áýjanuly áńgimesin jalǵastyrdy.
Kezdesý mańǵystaýlyq halyq kommýnısterimen suhbatqa ulasty.
