Saıys qatysýshylarymen áskerı qyzmetshilerdiń jeke daıyndyǵyn jetildirý jáne bólimshelerdi úılestirý, jeke quramdy jersindirý, qozǵalys marshrýtyn zerdeleý, taýlarda qutqarýdy úıymdastyrýdy pysyqtaý boıynsha sabaqtar ótkizildi. Saıys barysynda toptar bólimshe quramynda Elbrýs taýynyń shyńyna shyǵa otyryp, avtonomdy rejımde ártúrli taý bederin eńsere otyryp, joǵary taýly jaǵdaılarda marsh jasaıdy. Oıyn úsh kezeńde ótedi. Onda qatysýshylar 14 arnaıy tapsyrmany oryndaıdy. Birinshi kezeń barysynda qatysýshylar 5 arnaıy tapsyrmany oryndaıdy, onyń ishinde, jeke órmeleý boıynsha saıys, taýly jerde baǵdarlaý, tizbekte órmeleý boıynsha saıys, taýdaǵy kedergiler jolaǵy jáne top quramynda oq atý. Saıysqa 5 eldiń, ıaǵnı, Úndistan Respýblıkasy, Qazaqstan Respýblıkasy, Marokko Koroldigi, О́zbekstan Respýblıkasy jáne Reseı Federasııasynyń áskerı qyzmetshileri qatysady. Saıysqa barlyǵy joǵary taýly jerde tapsyrmalardy oryndaýǵa tartylatyn bólimsheler quramynan 70-ten asa adam tartylady. Úzdik joǵary taýly bólimshe saıysy tamyzdyń 3-i men 17-i aralyǵynda ótetinin esterińizge sala keteıik.
