"Qurmetti kólik salasynyń qyzmetkerleri!
Sizderdi kásibı merekelerińizben shyn júrekten quttyqtaımyn!
Kólik salasynyń damýy Elbasymyz Nursultan Ábishuly Nazarbaevtyń basty nazarynda.
Elbasynyń kólik-logıstıka salasyndaǵy strategııalyq sheshimderiniń arqasynda Qazaqstan aımaqtyq logıstıkalyq habqa jáne tranzıttik áleýeti damyǵan memleketke aınaldy.
Qazaqstan Respýblıkasynyń Prezıdenti Qasym-Jomart Kemeluly Toqaev Elbasynyń osy saladaǵy bastamalaryn sabaqtastyq negizinde jalǵastyryp, «Nurly jol» memlekettik baǵdarlamasy aıasynda Úkimetke kólik-logıstıka júıesiniń tıimdiligin arttyrýǵa, elimizdiń tranzıttik áleýeti men ınfraqurylymyn odan ári damytýǵa qatysty tapsyrmalar berdi.
Qazirgi tańda 400 myńnan astam adam eńbek etip jatqan elimizdiń kólik salasy — ekonomıkanyń serpindi damýynyń draıverleriniń biri.
Qazaqstan Jibek joly jobasyn qarqyndy damytyp, Shyǵys men Batys arasyndaǵy tranzıttik kópirge aınaldy. Bul — Qazaqstan ekonomıkasynyń damýyna tyń serpin beretin múmkindik.
Osy rette kólik salasy qyzmetkerleriniń eren eńbegin erekshe atap ótkim keledi. Sizderdiń kúndelikti qajyrly eńbekterińiz úshin shynaıy alǵysymdy bildiremin.
Barlyq kólik salasynyń qyzmetkerleri men ardagerlerine myqty densaýlyq, otbasylaryna mol baqyt, el ıgiligi jolyndaǵy eńbekterine tolaıym tabys tileımin!
Izgi nıetpen,
Qazaqstan Respýblıkasynyń Premer-Mınıstri Asqar Mamın", delingen habarlamada.
