Jumys jaıymen tanysty
Juma, 15 naýryz 2013 2:15
«Nur Otan» HDP Tóraǵasynyń birinshi orynbasary Baýyrjan Baıbek eki kúndik saparmen Qyzylorda oblysynda boldy.
Syrdyń boıyn, odan Aral aımaǵyn jaılap jatqan óńir bolǵan soń, munda balyq sharýashylyǵy basty kásip. Sondyqtan delegasııa baratyn alǵashqy aýdannyń Aral bolǵany da tańǵalarlyq emes. Baýyrjan Baıbek pen oblys ákimi Qyrymbek Kósherbaev bastaǵan top «Qýanysh» seriktestiginiń balyqshylar qaýymymen júzdesip, atakásipti jańǵyrtý baǵytynda atqarylyp jatqan jumystarmen tanysty.
Juma, 15 naýryz 2013 2:15
«Nur Otan» HDP Tóraǵasynyń birinshi orynbasary Baýyrjan Baıbek eki kúndik saparmen Qyzylorda oblysynda boldy.
Syrdyń boıyn, odan Aral aımaǵyn jaılap jatqan óńir bolǵan soń, munda balyq sharýashylyǵy basty kásip. Sondyqtan delegasııa baratyn alǵashqy aýdannyń Aral bolǵany da tańǵalarlyq emes. Baýyrjan Baıbek pen oblys ákimi Qyrymbek Kósherbaev bastaǵan top «Qýanysh» seriktestiginiń balyqshylar qaýymymen júzdesip, atakásipti jańǵyrtý baǵytynda atqarylyp jatqan jumystarmen tanysty.
«Syrdarııa ózeniniń arnasyn retteý jáne Soltústik Aral teńizin saqtaý» jobasynyń I kezeńi aıaqtalǵaly halyqtyń jaǵdaıy jaqsardy. Kishi Aral men kóptegen kólder qalpyna keldi. Jyl ótken saıyn aýlanatyn sý marjanynyń kólemi artyp keledi. Mysaly, 2008 jyly oblys boıynsha 2 320 tonna balyq aýlansa, 2012 jyly bul kórsetkish 5 161 tonnaǵa ósken. 2013 jylǵa belgilengen kvota kólemi 6 226 tonna bolyp otyr. Joǵalyp ketken 22 túrli balyq qaıta oraldy. 2000 jyldary Kishi Aral teńizinen jylyna bar-joǵy 400 tonna kambala aýlansa, búginde 4 900 tonna baǵaly balyqtar aýlanýda. Jalpy quny 85,79 mln. AQSh dollaryn quraıtyn joba Dúnıejúzilik bank jáne respýblıkalyq bıýdjet esebinen qarjylandyryldy. Qazirgi kezde Nıderlandynyń «Arcadis Euroconsult», Danııanyń «DHI Water & Environment», Ulybrıtanııanyń «Jacobs – Babtie» kompanııalarynyń qaýymdastyqtary jáne «Kazgıprovodhoz» ınstıtýty SARATS-tyń kelesi kezeńi boıynsha jobany ázirleýde. Qonaqtar sondaı-aq balyqshylardyń ótkeni men búginin sıpattaıtyn kórmeni tamashalady.
Aldaǵy ýaqytta aýyl ákimderiniń saılaýy ótetini belgili. Osy bir syndarly istiń aldynda partııa Tóraǵasynyń birinshi orynbasary Naǵı Ilııasov aýylynda bolyp, eldiń tynys-tirshiligimen etene tanysty. Aldaǵy saılaý týraly oılaryn bildi.
Sapardyń ekinshi kúninde Qyzylordada «Nur Otan» HDP oblystyq fılıalynyń kezekten tys HIII konferensııasy boldy. Konferensııa barysynda aımaqtyq fılıaldyń tóraǵasy saılandy. Endi Qyrymbek Kósherbaev ákimdik qyzmetpen qatar, fılıal tóraǵasy laýazymyn da atqaratyn boldy. Konferensııaǵa qatysýshy delegattar Qyrymbek Eleýulynyń kandıdatýrasyn biraýyzdan qoldady.
– Memleket basshysy halyqqa 2050 jylǵa deıingi jańa strategııa usynyp, elimizdiń aldaǵy birneshe onjyldyqtaǵy damý joldaryn kórsetti. Osyǵan sáıkes qazirgi tańda barsha Qazaq eli jańarý men jańǵyrý jolyna túsip, tyń belester men asýlarǵa qadam basty. Elbasy basqaratyn «Nur Otan» partııasy da osy kóshten kesh qalmaı, kerisinshe, onyń tizginin qolyna alýy qajet. Osyǵan baılanysty bizdiń aldaǵy qyzmetimiz jeti basty baǵyt boıynsha órbıdi. 2050 jylǵa deıingi Elbasy strategııasyn halyqqa keńinen nasıhattaýdy jalǵastyrý, partııanyń óńirlerdegi jumysyn jáne tıimdiligin arttyrý, jastarmen jumys júrgizý tásilderin jáne ınternettegi jumysty jetildirý, memlekettik organdar qyzmetine baqylaýdy kúsheıtý jáne qoǵam men bılik arasyndaǵy keri baılanysty nyǵaıtý basty maqsat bolyp tabylady. Bizdiń partııamyz – bolashaq partııasy. «Nur Otan» «Qazaqstan-2030» Strategııasyn merziminen buryn tabysty oryndaýǵa zor úles qosty, al endi 2050 jylǵa deıingi jańa strategııany iske asyrýda da bılik partııasyna aıryqsha jaýapkershilik júkteledi. Sondyqtan bizdiń aldymyzda óte kúrdeli mindetter tur,– dedi B.Baıbek.
Partııa Tóraǵasynyń birinshi orynbasary jumys saparynyń sońynda turǵyndardy jeke máseleleri boıynsha qabyldap, oblystyq fılıaldyń jumysymen tanysty.
Erjan BAITILES,
«Egemen Qazaqstan».
Qyzylorda oblysy.
