Únqatý máneri ózgerip keledi
Senbi, 6 sáýir 2013 2:20
Murtaza QURÝǴI,
Iran memlekettik televızııasy halyqaralyq bóliminiń aǵa tilshisi.
«Almaty kelissózderiniń» birinshi kezdesýinen keıin Batys elderiniń Iranǵa únqatý máneri kóp ózgergendigin aıtqym keledi. Osyǵan oraı Iran da óziniń pozısııasyn jumsartyp, «altylyq» elderine túsinistikpen jaýap qatý jaǵdaıyna kóshti. Qazir eki taraptyń arasy burynǵyǵa qaraǵanda kóp jaqyndasty jáne munyń bári ıadrolyq qarýdan bas tartqan Qazaq eliniń ustanǵan saıasatynyń barshamyzǵa jaǵymdy ekendiginen týyndap otyrǵanyn basa aıtar edik.
Senbi, 6 sáýir 2013 2:20
Murtaza QURÝǴI,
Iran memlekettik televızııasy halyqaralyq bóliminiń aǵa tilshisi.
«Almaty kelissózderiniń» birinshi kezdesýinen keıin Batys elderiniń Iranǵa únqatý máneri kóp ózgergendigin aıtqym keledi. Osyǵan oraı Iran da óziniń pozısııasyn jumsartyp, «altylyq» elderine túsinistikpen jaýap qatý jaǵdaıyna kóshti. Qazir eki taraptyń arasy burynǵyǵa qaraǵanda kóp jaqyndasty jáne munyń bári ıadrolyq qarýdan bas tartqan Qazaq eliniń ustanǵan saıasatynyń barshamyzǵa jaǵymdy ekendiginen týyndap otyrǵanyn basa aıtar edik. Saıd Djalılıdiń orynbasary Alı Bagırıdiń sózine qaraǵanda, eki tarap bir-birin durys túsinisý arnasyna toǵysyp otyr. Sońǵy bir jyl kóleminde Batys elderi Iranǵa qatysty qysymdy kóbeıtip jibergenin kúlli álem kórip-bilip otyr. Alaıda, ol qysym esh nátıje bermegeni anyq. Irannyń MAGATE-ge qatysty óziniń mindettemelerin eskersek, bul másele túbi bir sheshimin tabary haq.
Búkil álem qazirgi tańda máseleni atomdyq qarýmen sheshpeıtinin túsinip otyrǵan tusta, birneshe memleket birigip alyp bir elge qysym kórsete otyryp, onyń halyqaralyq múmkindikterin shekteý arqyly durys arnaǵa sala almaıdy. Iran men Irak arasyndaǵy, Aýǵanstan, Taıaý Shyǵystaǵy soǵystar osynyń dáleli. Endi halyqaralyq qaýymdastyqtar mundaı kıkiljińderge jol bermeý sharasyn qarastyrýy kerek, bul meılinshe pisip-jetilgen saıası tásil dep esepteımin.
Iran Máskeý kezdesýinde óziniń strategııalyq 5 máselesin alǵa tartqan edi. «Almaty kelissózderinde» Batys elderi de mańyzdy bir jobany usyndy. О́z kezeginde Iran Máskeý kezdesýinde qozǵalǵan bes másele men «Almaty kelissózderindegi» bir máseleni qorytyp, taǵy da tolyqtyrylǵan úlken máseleni kún tártibine shyǵaryp otyr.
Álemdi qarýsyzdandyrý máselesine búkil el, barsha qurlyq birigý kerek. Osy qarýsyzdandyrý máselesine qatysty Iran birneshe iri halyqaralyq jobalardy usynyp otyr. Iran da Qazaqstan sekildi ıadrolyq qarýǵa qarsy el. Qaharly qarýmen emes, syndarly saıasatpen ǵana máseleler oń sheshimin tabatynyn jas bala da biletin halge jetti. Beıbit máseleler tek taraptar bir-biriniń pikirine kóńil aýdarǵanda ǵana sheshiletinin eskersek, bul máselede de saıası názik mindetterdi túsindirý arqyly mámile izdegen «Almaty kelissózderi» búgingi saıası ǵalamǵa kóp máseleniń mánisin uǵyndyrdy.
