Tańdaý jasaýǵa tolyq múmkindik bar
Sársenbi, 17 sáýir 2013 2:11
Aldaǵy kúnderde memlekettik qyzmetkerlerdi úlken jaýapkershilik kútip tur. Árıne, mundaǵy ózgeristerdiń bári kadrdyń qadirin, bedelin kóterý, mamannyń biliktiligi men bilimin arttyrýdan týyndaǵany anyq. Birden aıtaıyq, bul reforma qomaqty qarjyny qajet etpeıdi. Buryn elimizde 3200 saıası qyzmetker bar bolsa, osy reformadan keıin olardyń sany 480-ge kemıdi. Qarjynyń deni negizinen «A» korpýsyna jumsalǵaly otyr. Bul korpýstaǵylardyń bilim-biligine qaraı jalaqysy bekitiledi.
Sársenbi, 17 sáýir 2013 2:11
Aldaǵy kúnderde memlekettik qyzmetkerlerdi úlken jaýapkershilik kútip tur. Árıne, mundaǵy ózgeristerdiń bári kadrdyń qadirin, bedelin kóterý, mamannyń biliktiligi men bilimin arttyrýdan týyndaǵany anyq. Birden aıtaıyq, bul reforma qomaqty qarjyny qajet etpeıdi. Buryn elimizde 3200 saıası qyzmetker bar bolsa, osy reformadan keıin olardyń sany 480-ge kemıdi. Qarjynyń deni negizinen «A» korpýsyna jumsalǵaly otyr. Bul korpýstaǵylardyń bilim-biligine qaraı jalaqysy bekitiledi.
Jalpy, el kez kelgen reformadan tyń ózgerister, eń bastysy – joǵary sapa kútedi. «Memlekettik qyzmet salasyndaǵy mundaı ózgeristerdi jasaýdan buryn, reformanyń jobasy jan-jaqty talqylandy. Menińshe, bul reforma Elbasymyz aıtqandaı, memlekettik qyzmetkerdi halyqqa jaqyndata túsedi dep oılaımyn. Sapaly qyzmet kórsetýge úıretetin bolady. Iаǵnı, reformanyń aıasynda memlekettik qyzmetkerdi qyzmetten qysqartý máselesi týyndamaıdy», deıdi Memlekettik qyzmet isteri jónindegi agenttiktiń Ońtústik Qazaqstan oblysy boıynsha basqarmasynyń bastyǵy Berik Bekjanov.
О́tken apta sońynda «Memlekettik qyzmet týraly» Zańǵa engizilgen ózgerister men tolyqtyrýlar jóninde Ońtústik Qazaqstan oblysy memlekettik organdarynyń memlekettik ákimshilik qyzmetshilerimen semınar-keńes ótip, jańa reformanyń mán-jaıy keńinen áńgime boldy. Úmitkerler memlekettik qyzmetke, korpýstan korpýsqa test júıesi arqyly synaq tapsyryp, konkýrstyq negizde qabyldanady. «A» korpýsyna konkýrsqa qatysqandar ótpeı qalǵan jaǵdaıda jumystan bosap qalady deýge negiz joq. Onyń «B» korpýsyna ótýine quqy bar.
Sonymen, aldaǵy 2-3 aıdyń kóleminde aýdan-qala ákimderiniń arasynda úlken kadrlyq aýys-túıis bastalady. Memlekettik qyzmet týraly zańnamalarǵa engizilgen ózgeristerge sáıkes saıası qyzmetkerlerdiń sany azaıyp, basqarýdyń «A» jáne «B» korpýsy dep atalatyn jańa júıe engizildi. Aýdan, qala ákimderi osy «A» korpýsyna kirgen. Al bul korpýs qaıta iriktelip jatyr. Birinshi jartyjyldyqqa deıin atalǵan korpýstyń kadr rezervi tolyǵymen jasaqtalyp shyǵady.
Jańa zań kúshine engen 26 naýryzdan bastap aýdan-qala ákimderi oblys ákimimen aradaǵy jasalǵan kelisimshartqa sáıkes óz qyzmetterin ýaqytsha atqaryp otyr. Kúni erteń qatań suryptaýdan keıin olardyń qanshasy qyzmetin saqtap qalady, qanshasy qyzmetimen qoshtasady? Bul, árıne, aldaǵy kúnniń enshisindegi másele. О́zderińizge belgili, shilde-tamyzda aýyl ákimderiniń barlyǵy qaıta saılanady. Aýdan-qala ákimderi qaıta jasaqtalyp jatyr. Iаǵnı, bıylǵy jaz ákimder úshin úlken synaq bolaıyn dep tur.
Aldymen jańa zańǵa sáıkes saıası memlekettik qyzmetkerlerdiń reformaǵa sáıkes saıası qyzmetkerlerdiń jaýapkershiligi kúsheıtildi. Jalpy, Ońtústik Qazaqstan oblysynda «A» korpýsyna kiretin bas-aıaǵy 24 sheneýnik bar eken. «B» korpýsyna budan tómen turǵan sheneýnikter, onyń ishinde oblystyq basqarmanyń bastyqtary kiredi. Aýdan-qala ákimi endi aldymen testtiń bárinen súrinbeı ótip, oblystan qurylǵan óńirlik, budan keıin Astanadaǵy Qazaqstan Respýblıkasy Prezıdenti janyndaǵy Kadr saıasaty jónindegi ulttyq komıssııadan áńgimelesýden ótedi. Qujattar 3 aqpannan bastap qabyldanyp jatyr. Korpýsty tolyqtaı jasaqtaý shildege deıin jalǵasady. Osynyń bárinen sátti ótken úmitker «A» korpýsynyń rezervine alynady.
Bul shara byltyr quqyq qorǵaý organdary qyzmetkerleriniń tapsyrǵan attestasııasyna uqsaǵanymen, kadrdy qyzmetke taǵaıyndaýda úlken ózgeshelik bar. Aýdan, qala ákimderin qyzmetke taǵaıyndaý oblys ákiminiń quzyrynda ekeni belgili. Aldyn ala aıtylyp júrgen áńgimelerge qaraǵanda, munyń ózin de oblys ákimi jalǵyz otyryp sheshe salmaıdy. Burynǵydaı bir buıryqpen ákim taǵaıyndaý dáýiri endi kelmeske ketti. Kadr rezervinen eń úzdikti tańdap alý úshin arnaıy konkýrstyq komıssııa jumys isteıdi.
Al kadr rezervinde júzdegen adam tur. Derekterge qaraǵanda, respýblıka boıynsha kadr rezervine 800-ge jýyq maman jasaqtalatyn kórinedi. Iаǵnı, kadr taǵaıyndaýda tańdaýǵa, talǵam jasaýǵa tolyq múmkindik bar degen sóz.
Oralhan DÁÝIT,
«Egemen Qazaqstan».
Ońtústik Qazaqstan oblysy.
