Oblys ákimdigi, «Tramvaı basqarmasy» AQ, «Azamattarǵa arnalǵan úkimet» memlekettik korporasııasy oblystyq fılıaly birlesip osyndaı bastama jasady. Iаǵnı, «Elektrondy úkimetpen» jumys jasaý arqyly bıýdjet qarajatyn únemdeýge bolady.
Tramvaıǵa mingen turǵyndarǵa memlekettik qyzmet alýdy nemese «Elektrondy úkimet» mobıldi azamattar bazasyna tirkelýdi usynady. Bul elektrondy sıfrly qoltańbany qajet etpeıtin 44 memlekettik qyzmetti ózdiginen alýǵa múmkindik beredi.
Vagondarda Egov portaly arqyly jumys jasaıtyn qyzmetti alýshylarǵa arnalǵan tıisti jarnama, býkletter, broshıýralar, jadynamalar ornalastyrylǵan.
Tramvaı salonyndaǵy teledıdarda Egov portalynda jumys isteý boıynsha kórneki keńester berilip, beınerolıkter kórsetiledi. Parol arqyly «Elektrondy úkimettiń» mobıldi azamattar bazasynda tirkeýden óte alady. Sondaı-aq oqytý sharasy kezinde Egov portalynyń betteri kórsetiledi, onyń kómegimen messendjer paıdalanýshylary túrli anyqtamalar alyp, medısınalyq uıymǵa tirkelip, HQKO-ǵa kezekke tura alady.
Osy jańashyldyq arqyly mamandar «Elektrondy úkimet» portalynda elektrondy memlekettik qyzmetterdi alýdyń qoljetimdiligi men qarapaıymdylyǵyn kórsete alady. О́ıtkeni qazir bir anyqtamany Halyqqa qyzmet kórsetý ortalyǵyna baryp, kezekte turyp alýdyń qajettiligi joq. Egov arqyly lısenzııany resimdeý úshin tek JSN qajet. Al barlyq qalǵan derekterdi avtomatty suraýlardyń kómegimen ala alasyz.
Kommýnaldyq qyzmetter aqysy men aıyppuldardy da onlaın tóleýge bolady. Bıznesti de derbes tirkep, balanyń balabaqshadaǵy kezegin kez kelgen ýaqytta bilýge bolady.
Mamandar jolaýshylarǵa memlekettik qyzmetti Telegram messendjeri arqyly alýdy úıretti. Qosymshada @EgovKzBot portalynyń arnaıy boty jumys isteıdi. Ol arqyly mekenjaı anyqtamasyn smartfondy birneshe ret shertip alýǵa bolady.
PAVLODAR
