Sapar barysyndaǵy sharaǵa oblystyq densaýlyq ortalyǵynyń jáne qalalyq emhananyń salaýatty ómir saltyn qalyptastyrý ortalyǵynyń psıhologtary Natalıa Molodovskaıa men Elmıra Prıhodko jáne Aqmola oblystyq JITS-tiń aldyn alý jáne oǵan qarsy kúres ortalyǵynyń sosıology Nurlybek Qonyspaev qatysty.
–Trenıngterge 8-12 jas aralyǵyndaǵy jasóspirimder qatysady, sondyqtan, olar úshin taza aýada belsendi, qozǵalmaly, kóńildi jáne qyzyqty oıyndar uıymdastyramyz. Osylaısha olar alǵan bilimderin ońaı ıgeredi.
Dárigerlerdiń aıtýynsha, bıylǵy jazda JITS ortalyǵynyń qyzmetkerleri basqa medısınalyq mekemelerdiń mamandarymen birlesip, saýalnama júrgizý jáne aqparattyq-bilim berý materıaldaryn taratý jáne aldyn-alý jumystaryn júrgizý úshin qala syrtyndaǵy balalar lagerlerine únemi baryp otyrǵan. Jalpy, osyndaı tanymdyq kezdesýler óńirimizdiń basqa da jazǵy lagerlerinde júıeli ótip turady. Aǵymdaǵy jyly osyndaı is-sharalarǵa barlyǵy 500-den astam bala qatysty.
