Saılaýǵa joǵary jaýapkershilik qajet

Seısenbi, 11 maýsym 2013 2:09

Qostanaıda Qazaqstan Respýblıkasyndaǵy aýdandyq mańyzdaǵy qalalar, aýyldyq – okrýgter, aýyldyq okrýgterge kirmeıtin kentter men aýyl ákimderin saılaýdy uıymdastyrý men ótkizý máseleleri jónindegi semınar-keńes bolyp ótti.

Seısenbi, 11 maýsym 2013 2:09

Qostanaıda Qazaqstan Respýblıkasyndaǵy aýdandyq mańyzdaǵy qalalar, aýyldyq – okrýgter, aýyldyq okrýgterge kirmeıtin kentter men aýyl ákimderin saılaýdy uıymdastyrý men ótkizý máseleleri jónindegi semınar-keńes bolyp ótti.

Oǵan Qazaqstan Respýblıkasy Ortalyq saılaý komıssııasynyń hatshysy Baqyt Meldeshov, Ortalyq saılaý komıssııasy uıymdastyrý bóliminiń meńgerýshisi Natalıa Vıshnıakova, aýdan, qala ákimderi, aýdandyq, qalalyq máslıhattardyń hatshylary, aýdandyq, qalalyq ákim apparatynyń jetekshileri, aýdandyq, qalalyq saılaý ko­mıs­sııalarynyń tóraǵalary men hatshylary, oblystyq saılaý komıssııasynyń músheleri, son­daı-aq oblystyq prokýratýra, ishki ister departamentiniń, sa­lyq departamentiniń, ekonomıka jáne bıýdjettik josparlaý men Memlekettik qyzmet isteri jó­nin­degi agenttik basqarmasynyń ókil­deri qatysty. Semınar-keńeste B.Meldeshov saılaýdyń mańyzy men uıymdastyrý, ótkizý reti týraly egjeı-tegjeıli aıtyp berdi. Basqosýda jergilikti jerler­de ótetin saılaýdyń barynsha móldirligin qamtamasyz etý qajettigi atap kórsetildi.
Qazaqstan Respýblıkasy Pre­zı­dentiniń «Aýdandyq mańyzdaǵy qalalar, aýyldyq okrýgter, aýyl­dyq okrýgke kirmeıtin kentter men aýyldar ákimderi saılaýyn ót­ki­zýdiń birqatar máseleleri tý­ra­ly» Jarlyǵyna sáıkes, Qos­ta­naı oblysy aýmaǵynda 245 aýyl ákimi saılanady. Saılaý 2013 jyl­dyń 7 tamyzynda ótkiziledi dep bel­gi­len­gen. Osy másele boıynsha oblysta bir­neshe semınar-keńester ótkiziledi.
Antonına Markova basqaratyn oblystyq saılaý komıssııasynyń burynǵy saılaýlardaǵy bilik­ti­ligin B.Meldeshov joǵary baǵa­lady. Ol jaýapkershiligi mol aldaǵy saılaý da tabysty ótetinine senim bildirdi.
Názıra JÁRIMBETOVA,
«Egemen Qazaqstan».
QOSTANAI.