Halyq arasynda «Shahterler kúni» degen atpen málim mereke alǵash ret 1948 jyldyń 29 tamyzynda ótken bolatyn. Mereke táýelsiz Qazaqstanda Kásibı merekeler tizbesine 2003 jylǵy qarashada engizildi. Sóıtip osymen 72-shi ret atalyp ótti.
Shahter mamandyǵy aýyr jáne qaýipti kásip túrine jatady. О́ndiriste bolatyn tótenshe oqıǵalar saldarynan qanshama kenshi qaza taýyp nemese túrli jaraqattarǵa ushyrap jatady. Jıyn bastalar aldynda jınalǵandar óndiriste qaza tapqan kenshilerdi bir sát únsiz turyp eske aldy.
Jınalǵandardy jáne salanyń barsha qyzmetkerlerin «Kenshiler kúni» merekesimen mınıstrdiń orynbasary Tımýr Toqtabaev quttyqtady.
Búginde elimizdegi elektr qýatynyń 70 paıyzy kómir arqyly óndiriledi. Barlanǵan kómir qorynyń 90 paıyzǵa jýyǵy elimizdiń soltústik-shyǵys jáne ortalyq bóliginde shoǵyrlanǵan. Qazaqstan kómir qorynyń moldyǵy jóninen álem elderiniń alǵashqy ondyǵyna kiredi. Byltyrdyń ózinde 119,7 mıllıon tonna kómir óndiril-
di.
Saltanatty jıyn barysynda 70-ten astam sala qyzmetkerleri túrli marapattarmen marapattaldy. Olarǵa «Kómir ónerkásibiniń qurmetti qyzmetkeri» ataǵy jáne úsh deńgeıli «Eńbek dańqy» tósbelgileri berildi.
