"Qurmetti otandastar! Bıyl Qazaqstanda Elbasynyń bastamasymen Jastar jyly dep jarııalanǵan bolatyn. Osy jyldyń aıasynda jastardy qoldaýǵa arnalǵan san alýan is-shara júzege asyrylýda. Búgingi basqosý da osymen baǵyttasyp otyr.
Qurmetti dostar, Saryarqanyń samaly janǵa jylý beretin, Jetisýdyń taýlary asqaq rýh syılaıtyn, shyǵysy - shyraıly, batysy - aıbyndy, soltústigi - kórikti, ońtústigi - órikti elge tabany tıgen ər adam qanattanyp turady. Qus bolyp ushqysy keledi, júırik atqa minip, shapqysy keledi... Kóshpendiler órkenıetiniń temirqazyǵy sanalatyn qazaq eliniń qushaǵy qonaqtarǵa ərdaıym ashyq. Ərbir meken ǵana emes, ərbir tasynyń ózi tereń tarıhtan syr shertedi.
Tabıǵaty tańǵajaıyp, uly dalanyń ózi sizderdi sulýlyǵymen baýrap alady", - dedi Aqparat jáne qoǵamdyq damý mınıstri Dáýren Abaev.
Mınıstrdiń sózinen soń, spıkerler dıalog alańyn quryp, ózara pikir almasyp jatyr.
Foto avtordyki.
