Al oblys pedagogtary bir kúndik jalaqylaryn bólip, «Arys, biz birgemiz» sharasyna qatysyp, turǵyndarǵa kómek retinde 26 mıllıon teńge jiberildi.
Arys qalasynan 300 bala saýyqtyrý lagerlerinde demalýǵa múmkindik aldy jáne bul olardyń psıhologııalyq jaǵdaıyna oń áser etýge múmkindik berdi.
Sondaı-aq bizdiń óńirde iske qosylǵan «Nurly Ertis» baǵdarlamasy aıasynda 130-dan astam kóp balaly otbasy Ertis óńirine kóship keldi.
Olarǵa qajetti kómek kórsetildi. Barlyǵy turǵyn úımen jáne jumyspen qamtamasyz etildi, balalar balabaqshalar men mektepterge ornalastyryldy.
Oblys qalalarynda 7-18 jas aralyǵyndaǵy kóp balaly jáne az qamtamasyz etilgen otbasylardyń balalary qoǵamdyq kólikte tegin jol júre alady. Bul maqsatqa 54 mln teńge bólindi.
Sonymen qatar, oblys ortalyǵyndaǵy kolledjderdiń 1-4 kýrs stýdentterine aı saıyn jeńildikpen jol júrý múmkindigi qarastyrylyp jatyr.
Oblystyq bıýdjetten balabaqshalar men mektepterge baratyn kóp balaly jáne az qamtylǵan otbasylardyń balalary tegin tamaqtaný úshin de qarjy bólingen.
- Barlyq bólingen maqsatty qarajat shynymen qajet etetin otbasyna jetýi tıis, - dedi oblys ákimi.
Pavlodar oblysy
