Ortalyq dırektory Roza Bekjanovanyń aıtýynsha, «Aıkúne» bul omyrtqaǵa arnalǵan jattyǵýlar jıyntyǵy. Omyrtqa arasyndaǵy bulshyqetter men tamyrlardy oıatyp, olardy sozý arqyly qan aınalymyn kúsheıtip, búkil aǵzadaǵy jasýshalar tolyq qanmen qamtamasyz etiledi, sonyń áserinen dene býyrqanyp terleı bastaıdy. Jattyǵýlar kómegimen omyrtqanyń bastapqy qozǵalý jáne ıilgishtik qasıeti qalpyna kelip, qysylyp turǵan nerv júıeleri bosatylyp, denedegi qurysqan jaǵdaı ketedi. Jattyǵý bastasańyz, birinshi kúnnen-aq áseri seziledi. Omyrtqany qalpyna keltirý arqyly ishki qurylys ta ózi qalpyna kelip, ót joldary tazaryp, baýyr, búırek, júrek aýrýlary da saýyǵa bastaıdy. Qazirgi el aýzynda júrgen «davlenıe», «osteohandroz», «artroz», «zob» aýrýlary kete bastaıdy.
«2017 jyldan bastap «Aıkúne» áleýmettik jobalardy qamtı bastady. Kóptegen emge, ásirese sheteldiń tıimdi emeý ádisterine qoly jetpeıtin «qarapaıym halyqqa kómek etý – paryz» dep sanaıtyn Abaı Aqatuly osy jobany shyn yqylasymen qolǵa alyp, jattyǵý ádisterin úıretetin ınstrýktorlardy tegin daıyndap, olarǵa barynsha qoldaý kórsete bastady» degen ortalyq dırektory «Aıkúne» jattyǵýynyń qoldanysqa ený tarıhyna toqtalyp ótti. Qazirgi kezde ortalyqta daıyndyqtan ótken ınstrýktorlar áleýmettik salada qyzmet kórsetip jatyr. Olar: Almaly, Áýezov, Naýryzbaı aýdandarynda ashylǵan «belsendi uzaq ómir súrý ortalyqtarynda» (sentr aktıvnogo dolgoletııa) , №7 aýrýhanada, fıtnes zaldarynda halyq saýlyǵyna orasan zor paıda keltiretin saýyqtyrý jattyǵýlaryn úıretýde. Sondaı-aq Dostyq dańǵylynda ornalasqan «Nova» klınıkasy da halyqqa paıdaly qyzmet kórsetýde.
ALMATY
