Qazaqstan • 29 Tamyz, 2019

Ata Zań róli talqylandy

184 ret kórsetildi

Elordadaǵy Ulttyq akademııalyq kitaphanada Qazaqstan Respýblıkasynyń Konstıtýsııasy kúnine arnalǵan «Konstıtýsııanyń sıfrlyq órkenıet dáýirinde memleket pen qoǵamnyń transformasııalanýy jaǵdaıyndaǵy róli» taqyrybynda dóńgelek ústel ótti.

Is-shara eldegi áleýmettik, qu­qyqtyq jáne demokratııalyq mem­lekettiń qaǵıdattaryn beki­týde Konstıtýsııanyń róli men áleýetin jan-jaqty tal­qy­laýǵa arnaldy. Forýmdy Kons­tı­týsııalyq Keńes uıymdastyrdy. Onyń jumysyna Qazaqstannyń memlekettik qurylymdarynyń basshylary, Konstıtýsııalyq Ke­ńes músheleri, Parlament depý­tattary, Úkimet músheleri, qu­­qyq qorǵaý mekemeleriniń ókil­deri, sondaı-aq bel­gi­li otandyq quqyqtanýshy ǵalymdar qatysty.

Otyrystyń ashylýynda Kons­tıtýsııalyq Keńes­tiń Tór­­aǵasy Q.Mámı atap ótken­deı, Kons­tıtýsııa – egemen­dik pen táýel­sizdikti bekitetin asa ma­ńyzdy qujat, memleket­ti­lik­tiń, qoǵamdaǵy kelisim men tu­raqtylyqtyń berik negizi. Ne­gizgi Zańdy qurmetteý jáne bul­jytpaı saqtaý – alǵa qoıylǵan aýqymdy maqsattarǵa jetýdiń kepili.

Prezıdent Ákimshiligi bas­shy­synyń orynbasary Á.Raqysheva, Qazaqstan Respýblıkasynyń Tuńǵysh Prezıdenti – Elbasy Qo­ry atqarýshy dırektorynyń oryn­basary I.Rogov qatysýshy­larǵa óz quttyqtaý sózderin arnady.

Sıfrlyq damý, ınnovasııalar jáne aeroǵarysh ónerkásibi mınıstri A.Ju­maǵalıev, Kons­tı­týsııalyq Keńes­tiń múshesi V.Ma­lınovskıı, Joǵar­ǵy sottyń, Bas prokýratýranyń, Mem­lekettik qyzmet isteri agenttiginiń, Ádi­let, Densaýlyq saqtaý, Aqpa­rat jáne qo­ǵamdyq damý mınıs­tr­likteriniń jáne ǵylymı qoǵam­nyń ókilderi Konstıtýsııa ne­gizderin iske asyrý máseleleri boıynsha baıandama jasady.

Paneldi sessııalarda aza­mattardyń konstıtýsııalyq áleý­mettik quqyqtaryn iske asyrý quraldaryn kúsheıtý, quqyq ús­temdigin bekitý, qoǵamdy demo­kratııa­landyrý, memlekettik bas­qarýdy jáne quqyq qorǵaý júıesin jetildirý, sondaı-aq jappaı sıfrlandyrý prosesinde jeke tulǵanyń múddelerin qorǵaý kepildigin nyǵaıtý baǵyttary qozǵaldy.

Dóńgelek ústel aıasynda Kons­tıtý­sııanyń ústem­digin qam­ta­masyz etý jáne qazaqstan­dyq­tardyń konstıtýsııalyq mádenıetin arttyrý isi boıynsha jýrnalıster arasynda uıymdas­tyrylǵan konkýrstyń jeńim­pazdaryn marapattaý rásimi ótti. Aıta keteıik, bul konkýrs ót­ken jyly Konstıtýsııa kúnine arnalǵan halyqaralyq konferensııada jarııalanǵan bolatyn.

Konstıtýsııalyq Keńestiń Tóraǵasy Q.Mámı jeńimpazdardy quttyqtaı otyryp, olarǵa kon­kýrsqa belsendi qa­tys­qany úshin alǵysyn bildirdi jáne ha­lyqtyń konstıtýsııalyq-quqyqtyq sa­nasyn jańǵyrtý boıynsha kási­bı qyz­metine tabys tiledi. Laý­reattarǵa Qur­met gramotalary jáne estelik syı­lyq­tar berildi.

Konstıtýsııalyq Keńestiń Tór­aǵasy buqaralyq aqparat qural­darynyń ókil­derine arnaǵan sózinde búgingi tańda konstıtý­sııalyq-quqyqtyq sıpattaǵy má­selelerde mamandanǵan kásibı jýrnalısterge degen úlken su­ranys bar ekenin atap ótti.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar