Shynynda da árbir adam úshin baspananyń basty másele ekeni ras. Búgingi tańda turǵyndardy baspanamen qamtamasyz etý maqsatynda memleket tarapynan tıisti qoldaý kórsetilip keledi. Táýelsizdik jyldary elimizde qazaqstandyqtardy turǵyn úımen qamtamasyz etý boıynsha aýqymdy jumystar atqarylǵany da el esinde. Nátıjesinde Taraz qalasynda da kóptegen turǵyn úıler salynyp, jergilikti jurtshylyqty baspanamen qamtý jolǵa qoıyldy. Máselen, osydan birneshe jyl buryn ǵana ashyq dala bolǵan aýmaqta 15-shi shaǵyn aýdan boı kóterip, qala halqy kóp shoǵyrlanǵan aımaqqa aınaldy. Osy maqsatta «Nurly jer» baǵdarlamasy aıasynda aǵymdaǵy jyly jalpy 17,6 mıllıard teńgege barlyǵy 2118 páterli 30 kópqabatty turǵyn úıdiń qurylysy júrgizilip, jyl sońyna deıin 1988 páterli 28 páterli turǵyn úılerdi paıdalanýǵa berý josparlanýda. Jambyl oblysy ákimdiginiń málimetinshe, kópbalaly otbasylardy baspanamen qamtamasyz etý máselesin sheshý úshin aǵymdaǵy jyldyń birinshi jartyjyldyǵynda 120 páter berildi. Onyń ishinde 93 páter arendalyq úıler esebinen berilgen bolsa, 27 páter demeýshiler esebinen tabystalǵan. Jyl sońyna deıin 493 kópbalaly otbasyn baspanamen qamtý josparlanǵan.
Sonymen qatar, kezektilik kelgenge deıin kópbalaly otbasylardyń turǵyn úı máselesin ýaqytsha sheshý úshin 612 páterli 12 jataqhana qurylysyna qarajat qarastyrylyp, olardy jyl sońyna deıin el ıgiligine berý josparda bar. Al, Konstıtýsııa kúni qarsańynda paıdalanýǵa berilgen 80 páterli, 9 qabatty turǵyn úı zamanaýı úlgide salynǵan. Aıtýly mereke qarsańynda birqatar tarazdyq turǵyndar jańa baspanaǵa qol jetkizip, qonys toıyn toılaýda.
Jambyl oblysy
