Arystaǵy Jambyl oblysynyń shtabyna qarasty 3-sektorǵa 11 kóshe bekitilgen bolatyn. Onda 312 jeke turǵyn úılermen qatar 14 áleýmettik jáne kommersııalyq nysan bary anyqtalǵan edi. Zerdeleýden ótken jeke turǵyn úıdiń báriniń de aqaý aktileri toltyrylyp, smetalaý jumystary jasaldy. Nátıjesinde qıraǵan 4 úıdiń ekeýi qaıtadan boı kóterip, ekeýi tolyq jańǵyrtyldy. Qalǵan 309 úıge ártúrli jóndeý jumystary júrgizildi. Bul jumystarǵa 4 merdiger kompanııa men 500-den asa qurylysshy tartyldy. Tıisti shyǵyndar respýblıkalyq bıýdjet pen arnaıy qorǵa jınaqtalǵan qarjydan qarastyryldy. О́tken aıda Jambyl oblysynyń ákimi Asqar Myrzahmetov Arys qalasyna arnaıy baryp, turǵyndarmen kezdesken edi. Sonymen qatar, ákim jambyldyq merdigerlerge qurylys jumysyn sapaly oryndaýdy naqty tapsyrǵan bolatyn. Nátıjesinde elimizde alǵashqylardyń biri bolyp Jambyl óńiri Arystaǵy qurylys jumystaryn abyroımen aıaqtady.
Arys qalasynda qaladaǵy Jambyl oblysyna tıesili 3-sektordaǵy qurylys jumystarynyń aıaqtalýyna oraı saltanatty shara ótti. Oǵan jergilikti turǵyndarmen qatar jumys júrgizgen birqatar qurylysshylar da qatysty. Jambyldyq delegasııany Arysqa Jambyl oblysy ákiminiń orynbasary Erkebulan Daýylbaev bastap bardy. Atalǵan jıyndy Túrkistan oblysy ákiminiń birinshi orynbasary Qosman Aıtmuhametov sóz sóılep ashty. Budan keıin Erkebulan Daýylbaev Jambyl oblysy shtabynyń qarqyndy jumysy men arystyqtardyń belsendiligi týraly aıtyp ótti. Sondaı-aq, qalany qalpyna keltirýge atsalysqan kópshilikke alǵysyn bildirip, mundaı tótenshe jaǵdaı endi elimizde oryn almaýyn tiledi. Sonymen qatar, jıynda Jambyl oblystyq máslıhatynyń hatshysy Baǵlan Qarasholaqov, Arys qalasynyń ákimi Murat Qadyrbek jáne ózge de azamattar sóz alyp, jambyldyq qurylysshylardyń eleýli eńbegin atap ótti.
Saltanatty jıynda «Arysty terbetken Áýlıeata áýenderi» atty Kenen Ázirbaev atyndaǵy Jambyl oblystyq fılarmonııasynyń konserttik baǵdarlamasy kópshilik nazaryna usynyldy. Baǵdarlama barysynda Arysqa arnaý aıtylyp, ásem ánder shyrqaldy. Sonymen qatar, shtab jumysynyń basy-qasynda júrgen birqatar azamattar men qurylysshylar marapattaldy.
Sondaı-aq, bul kúni jarylys kezinde qıraǵan 4 úı qaıtadan boı kóterip, saltanatty túrde paıdalanýǵa berildi. Ol úılerdiń ekeýi basynan qaıta salynsa, ekeýi tolyq jańǵyrtylǵan. Baspana qurylysyn júrgizgen merdiger kompanııa atalǵan úı ıelerine óz syı-sııapattaryn jasady.
Áýlıeatalyqtar arystyqtarǵa tótenshe jaǵdaı oryn alǵan kúnnen bastap qolushyn sozyp keledi. Máselen, ondaǵy zardap shekken azamattarǵa kómek kórsetý boıynsha «Arys. Biz birgemiz!» respýblıkalyq aksııasy aıasynda Taraz qalasynda 4 qabyldaý pýnkti ashylǵan bolatyn. «Nur Otan» partııasynyń oblystyq jáne aýdandyq fılıaldaryndaǵy arnaıy pýnktterde jınalǵan kómek materıaldary, azyq-túlik pen birinshi qajettiliktegi zattar Arysqa jetkizilgenin jurtshylyq jaqsy biledi. Sonymen qatar, Arysqa barlyǵy 400 tonnadan astam gýmanıtarlyq kómek, azyq-túlik, turmysqa qajetti buıymdar jóneltilgen. Turǵyndarǵa medısınalyq kómek kórsetý úshin 2,2 mıllıon teńgege qajetti dári-dármekpen qamtylǵan arnaıy jasaqtalǵan 4 reanımobılmen 8 feldsher Arys qalasyna jiberildi. Sondaı-aq, Arys qalasynyń 400-ge jýyq balasy Jambyl oblysyndaǵy «Taý samaly», «Juryndysaı», «Juldyz» syndy jazǵy saýyqtyrý lagerlerinde demaldy.
Jambyl oblysy
