WorldSkills
Reseı Federasııasynyń Qazan qalasynda ótken "WorldSkills-2019" álem chempıonaty aıaqtaldy. Álemniń túpkir-túpkirinen 18-22 jas aralyǵyndaǵy 1 400-den astam jas maman jumys mamandyqtary boıynsha WorldSkills alańdarynda jarysty.
Chempıonatta Qazaqstan ulttyq quramasynyń 34 múshesi 31 quzyrettilik boıynsha el namysyn qorǵady. Qazaqstandaǵy WorldSkills qozǵalysynyń jetekshisi – Qazaqstan Respýblıkasynyń Premer-Mınıstri Asqar Mamın "WORLDSKILLS KAZAN-2019" chempıonatynyń ashylý saltanatyna qatysty. О́z kezeginde Qazaqstan quramasynyń múshelerimen kezdesip, sáttilik pen jeńis tiledi.
Qazaqstan ataýly álemdik chempıonatqa 2015 jyldan bastap eki márte qatysqan. Jyl saıyn qazaqstandyq qurama óz pozısııalaryn jaqsartyp keledi. Máselen, San-Paolo qalasynda (Brazılııa) WorldSkills álem chempıonatynda qazaqstandyq qurama komanda 6 quzyrettilik boıynsha óner kórsetip, jalpy komandalyq esepte 74 eldiń arasynda 55-oryndy taban tiregen edi. Al 2017 jyly Qazaqstannyń ulttyq quramasy Abý-Dabı qalasynda (BAÁ) 23 quzyrettilik boıynsha óner kórsetip, 24-shi oryndy ıelendi.
"Mehatronıka" quzyrettiligi boıynsha Semeı qalasynyń elektrotehnıkalyq kolledjiniń stýdentteri Aleksandr Bersold pen Isajan Raısov "Medallon for Excellence" jáne "Best of nation" úzdik belgisin aldy. "Syrlaý jáne sándik jumystar" JuniorSkills quzyrettiligi boıynsha Jańaózen servıs jáne jańa tehnologııalar kolledjiniń stýdenti Erdáýlet Turar kúmis medal ıelense, "Ushqyshsyz ushý apparattaryn basqarý" JuniorSkills quzyrettiligi boıynsha Semeı qalasynyń elektrotehnıkalyq kolledjiniń stýdenti Álı Áskerhanov qola medal ıegeri atandy.
