Mınıstrliktiń baspasóz qyzmetinen málim etkendeı, shara barysynda Q.Bozymbaev alǵashqy ustazdarymen júzdesip, ardager pedagogtardy, 1-synyp tabaldyryǵyn attaǵan oqýshylardy Bilim kúnimen quttyqtady. Sonymen qatar, «Sanaly urpaq - jarqyn bolashaq» atty ashyq sabaqqa qatysyp, joǵary synyp oqýshylarymen suhbat qurdy. Ol balalyq estelikterimen bólisip, arman-maqsat týraly taqyrypta áńgimelesken.
«Mektep bitirgenimizge qansha jyl ótse de, qansha eseıip, azamat bolsaq ta, osy mektep bizdiń eń alǵashqy altyn uıamyz sekildi ystyq kórinip turady», - dedi mınıstr. Vedomstvo basshysy ár synypty jeke aralap, 33 jyl buryn tálim bergen muǵalimderimen áńgimelesken. Aıta keteıik, Qanat Bozymbaev atalǵan mekteptiń 1986 jylǵy túlegi. Mınıstrliktiń baspasóz qyzmeti onyń oqýshy kezindegi fotosýretterimen bólisti.
