Reıd 1 -30 qyrkúıek aralyǵynda ótedi.
Polısııa departamentinen málim etkendeı, oqý jylynyń bastalýyna oraı polıseıler mektepter mańyndaǵy jol belgileri men jaıaý júrginshiler jolaqtaryn tekserip shyqqan.
«Qazirgi kezde 91 mektep, 100-den astam balabaqsha men shaǵyn ortalyqtar, 42 kolledj mańyna tekserister júrgizildi. Anyqtalǵan kemshilikterdi joıý boıynsha tıisti mekemelerge hattamalar jiberildi. Sonymen qatar, oqýshylardy tasymaldaıtyn mektep avtobýstary tekserildi», - delingen baspasóz habarlamasynda.
Sondaı-aq ıývenaldyq jáne ákimshilik polısııa qyzmetkerleri balalar men ata-analar úshin profılaktıkalyq aksııalar ótkizedi, Jol júrý erejeleriniń buzylýyn boldyrmaý maqsatynda reıdter uıymdastyrady.
«Elordada osy jyldyń jeti aıy ishinde kámeletke tolmaǵan balalardyń qatysýymen 67 jol-kólik oqıǵasy boldy. Saldarynan 3 bala mert boldy, 70-i túrli deńgeıde dene jaraqatyn aldy. Al balalardyń kinásynan bolǵan 37 jol-kólik apaty tirkeldi», - dedi departamentten.
