«О́ndiristik sehta bolǵan jarylys saldarynan zardap shekken 1981 jylǵy azamat 31 tamyz kúni saǵat 20:20-da aýrýhananyń jansaqtaý bóliminde kóz jumdy. 1984 jylǵy taǵy bir naýqas travmatologııa bóliminen jansaqtaý bólimine aýystyryldy. Jaǵdaıy óte aýyr. Biraq esin biledi. Keshe aıaǵyna ota jasaldy», - dedi Almaty oblystyq Densaýlyq saqtaý basqarmasynyń baspasóz qyzmetiniń hatshysy Láılim Áýbákirova.
Eske salsaq, 31 tamyz kúni Qarasaı aýdanynyń Raıymbek aýylynda gazbetondy blok shyǵaratyn sehta jarylys boldy. Saldarynan seh ishinara buzylyp, tútin shyǵatyn qubyrdyń bir bóligi jeke turǵyn úı sektorynyń aýmaǵyna ushyp túsken. Jarylys ornynda 1961 jylǵy er adamnyń denesi tabyldy. Aýdandyq aýrýhanaǵa ártúrli jaraqatpen úsh adam jetkizilgen edi.
