Aldymen N.Nyǵmatýlın jańa V sessııa jumysy bastalǵanyna, Memleket basshysy Qasym-Jomart Toqaev óziniń alǵashqy Joldaýyn Parlamentte jasaǵanyna kóńil bólip, aldaǵy sessııanyń basymdyqtarymen qatar, Elbasynyń Qazaqstandy damytý baǵyty boıynsha eldi odan ári nyǵaıtýdyń negizgi maqsattary aıtylǵanyna toqtaldy.
– Sonyń ishinde ekonomıkany jańǵyrtýǵa, halyqtyń áleýmettik jaǵdaıyn kúsheıtýge erekshe nazar aýdaryldy. Sondyqtan aldaǵy sessııada biz Prezıdent Joldaýynda aıtylǵan azamattardyń qaýipsizdigin qorǵaý, shaǵyn jáne orta bıznesti qoldaý, jemqorlyqpen kúres, ekologııalyq máseleler, basqa da jaıttardy sapaly zańdarmen qamtamasyz etetin bolamyz, – dedi palata Spıkeri.
Aldaǵy sársenbide depýtattar nazaryna Armenııamen Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly úkimetaralyq kelisimdi ratıfıkasııalaý týraly zań jobasy usynylady.
Sonymen qatar osy kúni birqatar mańyzdy qujat jumysqa alynady. Olardyń qatarynda «Astana» halyqaralyq qarjy ortalyǵy týraly» Konstıtýsııalyq zańǵa túzetýler engizýge qatysty konstıtýsııalyq zań jobasy, Ulttyq qordan 2020-2022 jyldarǵa arnalǵan kepildendirilgen transfert týraly, respýblıkalyq jáne oblystyq bıýdjetter, respýblıkalyq mańyzy bar qalalar, astana bıýdjetteri arasyndaǵy 2020-2022 jyldarǵa arnalǵan jalpy sıpattaǵy transfertterdiń kólemi týraly, 2020-2022 jyldarǵa arnalǵan respýblıkalyq bıýdjet týraly zań jobalary bar.
Sondaı-aq «Pedagog mártebesi týraly» jáne oǵan ilespe zań jobasy, eńbek, týrıstik qyzmet máselelerine qatysty túzetýlerge arnalǵan zań jobalary boıynsha jáne qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha túzetýlerge qatysty qorytyndy ázirleý merzimi belgilenetin bolady.
Osy kúni depýtattar birqatar ratıfıkasııalyq zań jobalaryn da jumysqa almaq. Atap aıtsaq, olar: Brazılııamen qylmystyq ister boıynsha ózara quqyqtyq kómek týraly, Mońǵolııamen sottalǵan adamdardy berý týraly sharttardy, О́zbekstanmen zańsyz kóshi-qonǵa qarsy kúrestegi yntymaqtastyq týraly, Túrkııamen áskerı yntymaqtastyq týraly kelisimderdi ratıfıkasııalaý týraly, sondaı-aq Shanhaı yntymaqtastyq uıymynyń ekstremızmge qarsy is-qımyl jónindegi konvensııasyn, 2014 jylǵy 29 mamyrdaǵy EAEO týraly shartqa Qyrǵyz Respýblıkasynyń qosylýyna baılanysty Qyrǵyz Respýblıkasynyń 2014 jylǵy 29 mamyrdaǵy Eýrazııalyq ekonomıkalyq odaq týraly shartty, Eýrazııalyq ekonomıkalyq odaqtyń quqyǵyna kiretin jekelegen halyqaralyq sharttardy jáne Eýrazııalyq ekonomıkalyq odaq organdarynyń aktilerin qoldaný jónindegi jaǵdaılar men ótpeli erejeler týraly 2015 jylǵy 8 mamyrda qol qoıylǵan hattamaǵa ózgeris engizý týraly hattamany ratıfıkasııalaý týraly, Reseımen «Baıqońyr» keshenin jalǵa berý shartyna ózgeris engizý týraly úkimetaralyq hattamany jáne «Baıqońyr» keshenin gazben jabdyqtaý týraly, t.b. zań jobalary.
