Ekonomıka • 09 Qyrkúıek, 2019

Saýda jáne ıntegrasııa mınıstrligi online satyp alýshylardyń quqyqtaryn qorǵaý sharalaryn kúsheıtedi

54 ret kórsetildi

Qazaqstanda Elektrondyq kommersııany damytýdyń 2019-2025 jyldarǵa arnalǵan jol kartasy bekitildi, ol 2025 jylǵa qaraı elektrondyq saýdanyń úlesin qazirgi 2,9%-dan 5%-ǵa deıin arttyrýǵa múmkindik beredi. Bul týraly  Úkimet úıi alańynda ótken baspasóz konferensııasynda Saýda jáne ıntegrasııa mınıstri Baqyt Sultanov málimdedi.

«Elektrondy saýdany damytý úshin bizde barlyq zańnamalyq jaǵdaılar jasalǵan. Zamanaýı saýda formattaryna da kóp kóńil bólinýde. 2019 jylǵy 2 sáýirde Bıznes ortany damytý jáne saýda qyzmetin retteý týraly Zań qabyldandy, onda elektrondyq jáne bırja saýdasyn damytý kózdelgen. Tıisti ınfraqurylym jasalýda. Qazir naryqta 20-ǵa jýyq platforma bar jáne shamamen 1700 kásipker elektrondy kommersııada jumys isteıdi», dep naqtylady B. Sultanov.

Onyń aıtýynsha, Qazaqstan jetekshi álemdik korporasııalardyń kómegimen ınternet arqyly saýdany damytýdy kózdeıdi. 2019 jylǵy 26 tamyzda Mınıstrlik pen Reseıdegi №1 «Wildberries» onlaın-rıteıler arasynda О́zara yntymaqtastyq týraly kelisimge qol qoıylǵan, onda «Wildberries» qatysatyn barlyq aýmaqta elektrondyq saýda arnalaryn qoldanyp, qazaqstandyq eksporttaýshylardyń halyqaralyq saýdaǵa qatysýy qarastyrylǵan. Qazaqstandyq taýarlardy eksporttaýdy ilgeriletý úshin basqa da sheteldik ınternet-alańdarymen osyndaı jumystar júrgizý josparlanyp otyr.

«Biz olarmen birge elektrondy saýdany damytý júıesin ázirlep, onyń úlesin arttyratyn bolamyz. Búginde onyń jyldyq bólshek saýdaǵa qatysty úlesi - 2,9%. Memleket basshysynyń Qytaıǵa sapary aıasynda Alibaba tárizdi iri elektrondy alań ókilimen kezdesý josparlanǵan. Bul salada salmaqty oıynshylardyń bolýy bizge edáýir ári durys baǵytta damýǵa múmkindik beredi. Bizdiń kásipkerlerimiz álemdik oıynshylarmen belsene yntymaqtastyq ornata alady, nátıjesinde bul Qazaqstanda elektrondy kommersııany qarqyndy damytýǵa múmkindik beredi», dedi B. Sultanov, ınternet saýdadaǵy iri sýbektilermen yntymaqtasa jumys isteý qazaqstandyq ónimdi eksporttaýǵa múmkindik beretinin naqtylap. 

B. Sultanov atap ótkendeı, túsindirý máselelerine basa nazar aýdarylatyn bolady, óıtkeni elektrondy kommersııada senim máselesi asa mańyzdy.

«Endi satyp alýshy kádimgi saýdadaǵy sııaqty elektrondyq saýdada da sol shamada qorǵalatynyn qosymsha atap ótemin. Jalpy biz tutynýshylardyń quqyqtaryn qorǵaý júıesin qaıta qaraýdy jalǵastyrýdamyz jáne ony is júzinde barynsha pármendi etkimiz keledi. Qazaqstandyq ónimniń básekege qabilettiligin jaqsartý boıynsha jumysymyz naqty bir baǵytta júrgiziledi: elimizdiń árbir tutynýshysynda sapaly ónim bolýy tıis. Bizdiń maqsat – «azyq-túlik qubyryn» – óndiristen bastap túpkilikti satyp alýshyǵa deıin oryndy jáne qolaıly tizbegin qurý. Qazaqstanda bolsyn nemese onyń sheginen tys bolsyn», dedi mınıstr Baqyt Sultanov. 

Sońǵy jańalyqtar

Almatydan 125 shaqyrym jerde jer silkindi

Aımaqtar • Búgin, 10:00

16 tamyzǵa arnalǵan valıýta baǵamy

Ekonomıka • Búgin, 09:47

16 tamyzǵa arnalǵa aýa raıy boljamy

Aýa raıy • Búgin, 09:38

1453 adam koronavırýstan jazylyp shyqty

Koronavırýs • Búgin, 09:06

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Uqsas jańalyqtar