Ekonomıka • 09 Qyrkúıek, 2019

Shetelderde Qazaqstannyń saýda ókildikteri ashylady – Baqyt Sultanov

155 ret kórsetildi

«Bir tereze» - «QazTrade» eksporttaýshy men memlekettik organdar arasynda agent rólin atqaratyn bolady. «Bir tereze» aıasynda eksporttaýshylardy qoldaýdyń barlyq sharalaryn shoǵyrlandyrý kózdelgen. Bul týraly Úkimet úıiniń baspasóz ortalyǵynda ótken baspasóz koferensııasynda Saýda jáne ıntegrasııa mınıstri Baqyt Sultanov habarlady. 

Mınıstrdiń aıtýynsha, «QazTrade» buryn saýda saıasatyn damytý ortalyǵy retinde jumys istegen, negizinen saraptamalyq zertteýlermen aınalysqan. Búginde onyń bazasynda esporttaýshylarǵa arnalǵan «bir tereze» ortalyǵyn qurý josparlanǵan, adamdar sol jerge júginip, saýda salasynda týyndaǵan problemalaryn sheshe alady. Sıfrlandyrýǵa basa kóńil bólinedi. Baǵalarǵa elektrondy monıtorıng júrgiziletin bolady.

«Qazaqstannyń shetelderdegi saýda ókildikteri «syrtqy keńseler» sanalady. Aǵymdaǵy jyldyń sońyna deıin Qazaqstan saýda ókildikter jelisin keńeıtýdi josparlap otyr. Jańa ókildikter QHR-da, Túrkııada, Úndistanda, Iranda, О́zbekstanda, Aýǵanstanda, Polsha men Chehııada ashylatyn bolady», dedi B. Sultanov.

«QazTrade» sonymen qatar aımaqtyq jáne shekara mańy saýdasyn damytýǵa tartylatyn bolady. Áleýmettik kásipkerlik korporasııalar bazasynda óńirlik eksporttyq ortalyq ashý josparlanyp otyr, olardyń qyzmetin «QazTrade» úılestiretin bolady. 

B. Sultanov sonymen qatar Shıkizattyq emes taýarlar men kórsetiletin qyzmetterdiń eksportyn ilgeriletý jónindegi jol kartasy bekitilgenin aıtty. Bul qujatta taýardyń shetel naryqtaryna shyǵarý kezinde týyndaıtyn kedergilerdi tómendetýge, eksporttalǵan óńdelgen taýarlar jelisin keńeıtýge, sondaı-aq eksporttaýshylardy qoldaýdyń qarjy jáne qarjy emes sharalaryn kúsheıtýge erekshe nazar aýdarylǵan.

«Jol kartasynyń aıasynda mashına jasaý salasynda shaǵyn jáne orta bızneske eń tómengi mólsherlememen nesıe berý, óńdeýshi ónerkásiptiń iri kásiporyndaryna nesıe mólsherlemesin sýbsıdııalaýdy usyný, úshinshi elderde qoımalardy uıymdastyrý jáne basymdyqty jáne joǵary múddeli eldermen birge qurylys qyzmetteriniń standarttary men tehnıkalyq talaptaryn ózara taný josparlanǵan», — dedi QR saýda jáne ıntegrasııa mınıstri.

Sońǵy jańalyqtar

Balabaqsha ma, álde mektep pe?

Bilim • Búgin, 08:35

Múgedekterge 254 mlrd tólendi

Qoǵam • Búgin, 08:34

«TekTau»-dyń baly tanymal

Aımaqtar • Búgin, 08:30

Tuńǵysh túsindirme kitap jaryq kórdi

Qazaqstan • Búgin, 08:27

Tıgraı tynyshtalmaı tur

Álem • Búgin, 08:23

Ashyq aspan astyndaǵy mýzeı ashylady

Aımaqtar • Búgin, 08:22

Jol kartasyn júzege asyrý mańyzdy

Saıasat • Búgin, 08:20

Dıplomatııa ardagerleri marapattaldy

Qazaqstan • Búgin, 08:18

О́ńir turǵyndarymen kezdesti

Saıasat • Búgin, 08:15

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar