«Qazaqstan Prezıdenti Qasym-Jomart Toqaev qyrkúıektiń 11-12 kúnderine josparlanǵan QHR-ǵa memlekettik sapary qarsańynda Qytaıdyń CCTV telearnasyna suhbat berdi. Memleket basshysy qazaq-qytaı qatynastarynyń damý perspektıvalaryna qatysty óziniń oı-pikirimen bólisti. Kún tártibindegi ekijaqty máselelerden bólek, qytaılyq jýrnalısterdi Qasym-Jomart Toqaevtyń qazirgi halyqaralyq qatynastardaǵy Qytaıdyń róline, QHR-nyń 70 jyldyq mereıtoıy qarsańyndaǵy jetistikterine bergen baǵasy asa qatty qyzyqtyrdy. Sondaı-aq, Prezıdent ózge de jeke máselelerge qatysty saýaldarǵa jaýap berdi. Suhbat CCTV telearnasynyń efırinen kórsetiledi», dep jazdy Berik Ýálı Facebook paraqshasynda.
