Úzdik oqytýshylar anyqtaldy

Baıqaýdyń alǵashqy kezeńderi buǵan deıin satyly túrde barlyq óńirlerde uıym­das­tyrylyp, osy synnan súrinbeı ótip, úzdik dep tanylǵan 15 oqytýshy-ustaz bıyl ekin­shi ret ótkizilip otyrǵan respýblıkalyq saıys­tyń sońǵy týryna joldama alǵan eken.

Jınalǵan kópshilikti bul retki baıqaý­dyń mańyzy jaıly habardar etken «Til-Qazyna» ulttyq ǵylymı-praktıkalyq ortalyǵynyń basshysy Álibek Asqardyń aıtýyna qara­ǵan­da, atalǵan baıqaýdyń bereri kóp kórinedi. Naq­tyraq aıtsaq, qazaq tilin oqytýdyń ınnovasııalyq ádis-tásilderin anyqtaý, oqytýshylardyń kásibı biliktiligin arttyrý, ózara tájirıbe almasý, eresekterge qazaq tilinen sabaq berýdiń tyń ádistemesin júıeleý, sondaı-aq óńirde jeńimpaz atanyp respýblıkalyq baıqaýǵa qatysyp jatqan qazaq tili oqy­tý­­shylarynyń sabaq berýdegi ozyq úlgi­lerin nasıhattaý eken.

«Atalǵan sharany ótkizýdegi maqsat – qazaq til biliminiń atasy A.Baı­tur­syn­ulynyń eńbekterindegi ǵylymı-peda­gogıkalyq sabaqtastyqty jal­ǵastyrý; qazaq tiliniń memlekettik til retindegi qol­danys aıasyn keńeıtý; qazaq tili janashyrlary men mamandar arasyndaǵy úzdikterdi anyqtap, olardyń til oqytýdaǵy jańashyl ádis-tásilderin keń kólemde taratý» deıdi qazylar alqasynyń tóraǵasy, fılologııa ǵylymdarynyń doktory Sherýbaı Qurmanbaıuly.

О́ıtkeni qazaq til biliminiń qaınar bula­ǵy osy Baıtursynulynan bastalady. Ǵalym­nyń qazaq tilin meńgertýdegi ádistemesi búgingi urpaqqa baǵa jetpes mura. Uly ustaz eńbek­teri búginge deıin ádistemelik jáne til­ta­nymdyq turǵydan óz mánin joıǵan joq.

Sonymen uly ǵalym atyndaǵy saıys úsh kezeńge jiktelipti. Onyń alǵashqysy – qa­tysýshy óz kúshimen daıyndaǵan oqý mate­rıal­dary men jetis­tikteri jaıly beıne tanys­ty­ry­lymyn kórsetse, ekinshi kezeń – pedago­gıkalyq-psıhologııalyq jaǵ­daı­larǵa baılanysty tapsyrma oryn­daý, úshinshi kezeń – 20-25 mınýt kóle­minde sabaq berý úlgisin kórsetý.

Bir qýanarlyǵy, joǵarydaǵy ret boıynsha ózderiniń bilimi men tájirı­besin ortaǵa salyp, saıysqan ma­man­­dardyń deni 90-jyldary ómir­ge kelgen jastar eken.

Atam qazaq «jas kelse – iske» degen­deı, aımaq­tan kelip, elorda tórinde bilimi men tájirıbesin jarystyrǵan qa­ty­sý­shylar arasynan qostanaılyq ustaz, Rýdnyı qalalyq tilderdi oqytý ortaly­ǵy­nyń qyzmetkeri Janat Dosy­bae­va bas júldeni jeńip alsa, I, II, III oryndar­ǵa – astanalyq oqytýshy, Rýha­­nııat ortalyǵynyń bólim basshysy Erkebulan Erbolatuly, Qaraǵandy obly­sy Tilderdi oqytý ortaly­ǵy­nyń usta­zy Munı­ra Aǵymbaeva, Shyǵys Qa­zaqstan oblysy lıngvıstıkalyq or­ta­­­ly­­ǵy­nyń mamany Ásem Mamy­ra­no­va ıe boldy. Sondaı-aq qyzyl­or­da­lyq ustaz Ásel Baqytova, jam­byl­dyq Aqbota Tursynbekova jáne Shymkent qa­­lasynan kelgen til mamany Aısulý Ospanovaǵa yntalandyrý syılyǵy buıyrdy.