Jemqorlyqpen kúres ymyrasyz júrgiziledi

Otyrys barysynda Nur Otan partııasy Tóraǵasynyń birinshi orynbasary Baýyrjan Baıbek Elbasy, partııa Lıderi Nursultan Nazarbaevtyń Cy­baı­las jemqorlyqqa qar­sy is-qımyl jónindegi Res­pýb­lıkalyq qo­ǵamdyq keńes­tiń jumysyn kúsheı­týdi tap­syrǵanyn habarlady. Ol úshin jumystyń formaty men tásilin jaqsartyp, jańa mamandardy tartý qajet. Halyqpen dáneker bolatyn baılanysty qalyptastyryp, áleýmettik je­lilerdegi turǵyndardyń su­raqtaryna der kezinde jaýap ber­gen, búkil elimiz boıynsha qoǵamdyq qabyldaýlardyń ha­lyqpen ózara áreketine erekshe nazar aýdarǵan abzal.

«Elimizdiń Tuńǵysh Prezıdenti Nursultan Nazarbaev aıtqandaı, «Qazaqstan-2050» Strategııalyq maqsattaryna qol jetkizý sybaılas jemqorlyqpen ymyrasyz kúres júrgizý arqyly ǵana múmkin bolmaq. Memleket pen qoǵam sybaılas jemqorlyqqa qarsy judyryqtaı jumyla bilýi tıis. Memleket basshysy Qasym-Jomart Toqaev saı­laýal­dy baǵdarlamasyndaǵy negizgi basymdyqtarynyń biri retinde memleket pen qoǵamnyń damýyna zor kedergi keltirip otyrǵan jem­qorlyqqa qarsy júıeli kúresti belgiledi. Nur Otan partııasy qarapaıym aza­mattardyń problemalaryn she­shýdi uıymdastyratyn, ózekti jáne ótkir máseleler talqy­lanyp jatatyn alań bolýy tıis. Jyl basynan beri ǵana 143 myń adam bizdiń qoǵamdyq qabyldaýdyń kómegine júgindi. Sybaılas jemqorlyq máselesi boıynsha derbes «jedel jelini» qurý máselesin qarastyrǵan jón. Eger bizge shaǵymdar túsip jatsa, bizde oǵan jaýap qaıtaratyn aıqyn baǵdarjol bolýy kerek. Shaǵym bergen ár adammen jeke kezdesip, máseleni egjeı-tegjeıli zertteý qajet. Bul jumysqa ókiletti memle­kettik organdardy, bizdiń depýtattarymyzdy, azamattyq qoǵam­nyń belsendi azamattarynyń bárin tartyńyzdar», dedi B.Baıbek.

Onyń aıtýynsha, qoǵamdas­tyqtyń keńinen talqylaýynyń nátıjesinde 2014 jyly par­tııanyń 2025 jylǵa deıingi Sy­baılas jemqorlyqqa qarsy is-qımyl baǵdarlamasy, Nur Otan partııasynyń bastamasymen sybaılas jemqorlyqqa qarsy is-qımyl, aqparatqa qoljetimdilik, qoǵamdyq keńes­ter týraly jáne t.b. zańdar qabyldandy. Búgingi tańda memle­kettik qyzmettiń 80%-y avtomattandyryldy, búkil elimiz boıynsha HQO jumys isteıdi, sıfrly tehnologııalar engizilýde. Partııa Tóraǵasynyń birinshi orynbasary osynyń báriniń de sybaılas jemqorlyqqa qarsy is-qımyl ekenin atap ótti.

О́z kezeginde Sybaılas jem­qor­lyqqa qarsy is-qımyl jónindegi Respýb­lıkalyq qoǵam­dyq keńes­tiń jańa tóraǵasy Omarhan О́ksik­baev keńestiń qyzmeti men onyń tıimdiligin pysyqtaýǵa baılanysty naqty is-sharalardyń qabyl­danatynyn aıtty. Olardyń ishinde ortalyq memlekettik jáne jergilikti atqarýshy organdardyń jumys­taryndaǵy jemqorlyqtyń yqtı­maldyǵyn taldaý ózektiligi, bar­lyq deńgeıde olardy azaıtý boıyn­sha is-sharalardy qabyl­daýǵa yqpal etý bar.

Talqylaý barysynda keńes tóraǵasynyń orynbasary Oralbaı Ábdikárimov partııaǵa qaratyp, jemqorlyq máselesi anyqtalǵan kezden bastap oǵan jaýap berip, kez kelgen quqyq buzýshylyq jem­qorlyǵyna baılanysty máseleni talqylaýdy usyndy. Baýyrjan Baıbek atalǵan usynysqa qoldaý tanytyp, bul máselede birinshi kezekte kinásizdik prezýmpsııasy qaǵıdatyna arqa súıeý kerek ekenine toqtaldy.

«Qazaqstan halqyna arnaǵan óziniń Joldaýynda Memleket basshysy Qasym-Jomart Toqaev kinásizdik prezýmpsııasy qaǵıdatynyń tolyq kólemde saqtalýy kerek ekenin atap ótti, ıaǵnı adamnyń kinási dálel­denbeıinshe ony aıyptaýǵa bolmaıdy. Tutastaı alǵanda bizdiń maqsatymyz – zańnyń ústemdigin qamtamasyz etý», dedi Baýyrjan Baıbek.

Nur Otan partııasy Tóraǵasy­nyń birinshi orynbasary, sondaı-aq «turmystyq» jemqorlyq yqtı­maldyǵy joǵary barlyq salalardy – densaýlyq saqtaý, jer qatynastary, qurylys, mıgrasııa, shetel jumysshylaryna kvota berý jáne t.b. keńirek qamtý kerek ekenin atap ótti. Onyń aıtýynsha, túsindirý jumystaryn keńinen júrgizý, aqparattandyrý arqyly ashyqtyqqa qol jetkizý qajet.

«Sheteldikterdiń qatysýymen bolsa da jańa óndiristerdi ashý – elimiz úshin ıgilik, ekonomıkany damytýdyń basty sharty. Búgingi tańda barlyq memleketter sheteldik ınvestısııa úshin kúresip jatyr. Tek qana birlesken Qytaı jobalarynyń aıasynda 20 myńnan astam ju­mys ornyn qurý josparlanýda. Osy jumys oryndarynyń 95%-y qazaqstandyqtarǵa tıesili bolady. Sheteldikterdiń qatysýymen jańa óndiristerdi qurý kezinde ókiletti organdar Nur Otan partııasymen birge mıgrasııalyq jáne eńbek zańnamasynyń buzylmaýyn baqylaýdy qamtamasyz etýi tıis. Osynyń bári de qazaqstandyq jumysshylardyń jańa kásip­oryndarda jumys istep, laıyqty jalaqy alýy úshin atqarylyp jatyr», dep túıindedi B.Baıbek.