Klýbtyń resmı saıtynyń habarlaýynsha, bıletter quny eki sanatqa bólingen. Birinshi sanattaǵy «Manchester Iýnaıtedke» qarsy ótetin oıynnyń bılet quny oryn sanatyna baılanysty 4 myń men 55 000 teńge aralyǵynda bolmaq. Al AZ ben «Partızanǵa» qarsy oıyndar – ekinshi sanat. Olardyń quny 1500-12000 teńge aralyǵynda. Bul oıyndardyń bıleti kezdesý bastalýyna az ýaqyt qalǵanda satylymǵa shyǵady.
Sondaı-aq úsh oıynǵa bir bılet, ıaǵnı abonement satyp alýǵa da bolady. Birinshi sanattaǵy abonement baǵasy – 65 000, ekinshi sanat – 50 000, úshinshi sanat – 30 000, tórtinshi sanat – 20 000 jáne besinshi sanat – 13 000 teńge. Eske sala keteıik, elorda komandasy 3 qazanda «Partızan», 7 qarashada «AZ Alkmar» jáne 28 qarashada «Manchester Iýnaıted» klýbyn óz alańynda qabyldaıdy.
