Balýandarymyz babynda eken

 Qorjynymyzda qos medal

Sonyń biri – elimiz qura­masynyń múshesi, 55 kılo sal­maqta baq synap, atalǵan chem­pıonattyń kúmis me­­­dal ıegeri bolǵan Qor­lan Jaqansha. Bul el táýel­siz­diginen keıin qa­zaq ulandary arasynan qol jet­kizgen 4-kúmis eken. Buǵan deıin Baq­tııar Baıseıitov (1995), Al­­mat Kebispaev (2011) já­ne ótken jyly Býdapesht tó­rinde 59 kılo salmaqta óner kórsetken Meı­rambek Aına­qulov ıe bolypty.

Qorlan balýan 2014 jyly áskerıler arasynda álem chem­pıony atansa, ótken jyly Azııa birinshiliginiń qola júl­desin enshilepti. Bul ret­ki jarysta ol birinshi aına­lymda aljırlik Fergat Ab­del­karım­di 11:5 esebimen jeńip, shırek fınalda AQSh balýany Noýrı Makstan 3:2 upaımen basym tústi. Al jar­tylaı fınalda ót­ken jylǵy álem chempıony ázer­­baıjandyq Eldenız Azız­lıdi 11:5 esebimen oıs­yra­ta jeń­di. Fınaldyq beldesýde álem jáne Eýropa chem­pıo­­na­ty­nyń qola júl­­degeri, grýzın balýany Nýg­zarı Sýrsýmııamen bel­desip, oǵan ese jiberdi.

Balýannyń jeke bapkeri Áset Imanbaevtyń aıtýyn­sha, negizgi daıyndyqty E.Azız­lıge qarsy jasaǵan eken. Bul nátıjesin berdi. Biraq grýzın jigitine qarsy bel­desýde shákirtim tym asy­ǵystyq tanytty deıdi.

Al qorjynǵa túsken ekinshi medal, ıaǵnı qola júlde ıesi 63 kıloda baq synaǵan buǵan deıin álem chempıonatynyń úsh dúrkin júldegeri, qurama kapıtany Almat Kebispaev. Bul jigit alǵashqy kezdesýinde úndistandyq S.Sagardy qınal­maı jeńdi. Ekinshi aınalymda ósip kele jatqan qytaılyq kúshti balýan Erbatý Týomen joly túıisti. Bul jigit bıylǵy Azııa birinshiliginde ataqty balýan, Rıo Olımpıadasynyń qola júldegeri ózbekstandyq qandasymyz Elmurat Tasmura­tovtyń ózin jeńip ketken edi. Biraq Almat ony 2:1 esebi­men utty. Úshinshi beldesýde álem birinshiliginiń qola júl­degeri túrkııalyq Rahman Bılıjıdi 7:4 esebimen jeńip, jartylaı fınalǵa joldama aldy. О́kinishtisi fınaldyq kezeń úshin bolǵan básekede Rıo Olımpıadasynyń kúmis júl­degeri, ótken jylǵy Azııa oıyn­darynyń chempıony ja­pon jigiti Shınobý Ota­dan je­ńilip, jubanysh bel­­desýdi qa­naǵat tutty. Al qola medal úshin bol­ǵan sa­ıysta qyr­ǵyz­standyq Sár­senbekovti je­ńip, jeke ómir tarıhynda álem chem­pıo­na­tynyń tórtinshi me­dalin moınyna taqty.

Eki balýanymyz lısenzııaǵa ıe boldy

Grek-rım kúresinen keshegi kúni ótken lısenzııalyq sanat­taǵy 60 jáne 77 kılo salmaq dárejesinde beldesken balýandarymyz qýantarlyq nátıje kórsetti.

Ásirese, jeńil salmaq dá­re­jesine jatatyn 60 kıloda óner kórsetken Meırambek Aınaqulov shý degende, Bra­zılııa eliniń úmiti túbi ózi­mizdiń Taraz týmasy, Panamerıka birin­shiliginiń qola júldegeri 35 jasar saqa balýan Marat Garıpovty qınalmaı jeńdi. Ekinshi aınalymda lıtvalyq Iý. Petraıkıýsty 4:2 esebimen utyp, shırek fınaldyq beldesý básekesinde horvatııalyq balýan Ivan Lızatovıkti 10:0 upaımen erkin eńserip, jarty­laı fınalǵa ótti. Nátı­je­sin­de, bizdiń balýandar ara­synan alǵashqy bolyp Olım­pıada lı­senzııasyna qol jet­kizdi.

Al 77 kılo salmaqta kú­res­ken ótken jylǵy Azııa bi­rinshiliginiń jeńimpazy Ashat Dilmuhanbetov birinshi aı­na­lymda chehııa balýany Oldrıch Vargany eki mınýttyń ishinde 9:0  esebimen utyp, ekinshi kezekte reseılik ataq­ty balýan eki dúrkin Olım­pıada jáne álem chempıony, tórt dúrkin Eýropa je­ńim­pazy Roman Vlasovpen joly túıisti. Kópshilik mamandar jeńisti áldeqashan reseıliktiń qanjyǵasyna baı­lap tastaǵandaı edi. Biraq namysqa tyrysqan qazaq balasy ataǵynan at úrketin re­seı­likti balshyqsha ıeledi. Esep: 3:0. Osylaı jeńiske jet­ken A.Dilmuhanbetov jar­tylaı fınaldyq báseke úshin Serbııa maqtanyshy 2017 jy­ly Parıjde ótken álem chem­pıo­natynyń jeńimpazy Vıktor Nemeshpen beldesti. Nátı­je oıdaǵydaı: kúres taǵ­dyry 4:3 esebimen bizdiń jigit­tiń paıdasyna sheshildi. Osy­laı qorjynymyzǵa ekin­shi Olım­pıada joldamasy kelip tústi.