Kitaptyń tusaýkeserine oraı uıymdastyrylǵan baspasóz máslıhatynda Amanjol Áltaev bul jobany iske asyrýdyń kópten beri oıynda júrgeninen habardar etti.
– Aqyrynda osy oıymdy júzege asyrýdyń sáti tústi. «Sáken» kitaby Qaraǵandy oblysy ákimdiginiń qoldaýymen aqynnyń mereıtoıyna arnalyp 1000 dana taralymmen jaryq kórdi. Basylym úsh bólimnen turady. Birinshi bólimde Sáken Seıfýllın týraly maqalalar men ǵylymı materıaldar toptastyrylǵan. Odan keıingi bólimde belgili aqyndar jáne jas avtorlardyń Sáken týraly óleńderi basylǵan. Al úshinshi bólimde Sáken Seıfýllınniń shyǵarmalary usynylǵan. Tırajdyń bir bóligi kitaphanalarǵa túsedi, – dedi ol.
«Sáken» kitabynyń tusaýkeser rásimine Halyq ártisi, Qazaqstannyń Eńbek Eri Asanáli Áshimov pen Halyqaralyq aıtys jáne jyrshy-termeshiler odaǵynyń basshysy Júrsin Erman qatysyp, jyly lebizderin bildirdi.
Qaraǵandy oblysy
