Ol Premer-Mınıstr Asqar Mamınniń quttyqtaý hatyn oqyp berdi: «Búgingi sammıttiń BUU-nyń “Akademııalyq yqpal etý” baǵdarlamasynyń turaqty damý boıynsha jahandyq haby sanalatyn ál-Farabı atyndaǵy Qazaq ulttyq ýnıversıtetiniń qabyrǵasynda ótýiniń sımvoldyq máni zor.
Elimiz bilim jáne ǵylym júıesiniń básekege qabilettiligin arttyrý mindetin sheshýde. Ýnıversıtetterge akademııalyq derbestik berildi. Bul sharalardyń barlyǵy ýnıversıtetterdiń ǵylymı bilim berý, tehnologııalyq jáne gýmanıtarlyq keńistiktegi yqpalyn arttyrýǵa baǵyttalǵan.
B. Saparbaev Forýmnyń ál-Farabı atyndaǵy QazUÝ-de ótýiniń ózindik máni bar ekenin atap ótti: «Keler jyly Qazaqstan eki aǵartýshy – ál-Farabıdiń 1150 jyldyǵy men Abaıdyń 175 jyldyq mereıtoılaryn atap ótedi. Búgingi konferensııany osynaý uly ǵulamalardyń mereıtoılary qarsańyndaǵy mańyzdy sharalardyń biri dep ataýǵa ábden bolady».
Aıta keterligi, Forýmǵa qatysýshylar esimi ýnıversıtetke berilgen uly Oıshyldyń mádenı murasyna arnalǵan ál-Farabıdiń mýzeıinde boldy. Mýzeıge qundy materıaldar men álem mýzeıleri men kitaphanalaryndaǵy túpnusqa eksponattarynyń kóshirmeleri jáne zamanaýı Qazaqstannyń áleýmettik-mádenı jańǵyrýy, rýhanı jáne ǵylym-bilim salasyn damytý, Elbasy N.Á. Nazarbaevtyń «Mádenı mura» memlekettik baǵdarlamasyn júzege asyrýda elimizdiń mádenı murasyn saqtaý jáne tıimdi qoldanýdy qamtamasyz etý jónindegi aýqymdy qujatty materıaldar qoıylǵan.
