Premer-Mınıstr jańa ákimdi Qaraǵandy oblysynyń aktıvine tanystyra otyryp, onyń úlken tájirıbesi men joǵary biliktiligin atap ótti.
«Jańa ákimniń aldyna óńirdi áleýmettik-ekonomıkalyq damytý boıynsha salmaqty mindetter qoıyldy. Elbasy N. Nazarbaev pen Memleket basshysy Q. Toqaev Qaraǵandy oblysynyń damýyna erekshe kóńil bóledi. J. Qasymbektiń osy joǵary senimdi aqtaıtynyna senimdimin», — dedi A. Mamın.
Premer-Mınıstr osyǵan deıin bolǵan ákim Erlan Qoshanovqa atqarǵan jumystary úshin alǵys bildirip, jańa qyzmetinde sáttilik tiledi.
Jeńis Mahmuduly Qasymbek 1975 jyly 7 mamyrda Jambyl oblysynyń Shý qalasynda dúnıege kelgen. Qazaq memlekettik sáýlet-qurylys akademııasyn «sáýletshi-dızaıner» mamandyǵy boıynsha jáne L. N. Gýmılev atyndaǵy Eýrazııa ulttyq ýnıversıtetin «memlekettik jáne jergilikti basqarý» mamandyǵy boıynsha aıaqtaǵan.
Eńbek jolyn 1997 jyly QazBSQA-da taǵylymger-zertteýshi retinde bastaǵan. Túrli jyldary «Temirbank» AAQ bas mamany, QR Monopolııaǵa qarsy saıasat komıtetiniń bólim basshysy, QR Kólik jáne kommýnıkasııa mınıstrliginiń Sý kóligi departamentiniń dırektory, «Aqtaý halyqaralyq teńiz saýda porty» RMK dırektory, QR kólik jáne kommýnıkasııalar vıse-mınıstri, QR Kólik jáne kommýnıkasııalar mınıstrliginiń jaýapty hatshysy laýazymdaryn atqarǵan. 2014 jylǵy naýryzda QR kólik jáne kommýnıkasııalar mınıstri bolyp, keıin QR ınvestısııalar jáne damý mınıstri bolyp, QR Indýstrııa jáne ınfraqurylymdyq damý mınıstrliginiń basshysy bolyp taǵaıyndalǵan. 2019 jylǵy 25 aqpannan bastap qazirgi tańǵa deıin QR Premer-Mınıstriniń orynbasary qyzmetin atqardy.
