Járdemaqy tóleý týraly bilgińiz kelse...

Balalary bar otbasy­lar­dyń quqyqtaryn qorǵaý jáne zańdy múddelerin qorǵaý Qazaqstan Respýblıkasy mem­le­kettik saıasatynyń negiz­gi baǵyttarynyń biri sana­lady.

Búgingi tańda bala týýdy yntalandyrýǵa jáne balalardy otbasynda tárbıeleýge járdemdesýge baǵyttalǵan memlekettik járdemaqylar men tólemder júıesi usyn­ǵan balaly otbasylardy qol­daýdyń ulttyq modeli qu­ryldy. Iаǵnı:

- bala týýyna baılanysty járdemaqy (birinshi, ekinshi, úshinshi balaǵa beriletin járdemaqy mólsheri 95 950 teńge (38 AEK), tórtinshi jáne odan da kóp bala úshin – 159 075 teńge (63 AEK);

- bir jasqa deıingi balanyń kútimine arnalǵan járdemaqy (bıylǵy járdemaqy mólsheri birinshi balaǵa 5,76 AEK – 14 544 teńge, ekinshi balaǵa 6,81 AEK – 17 195 teńge, úshinshi balaǵa 7,85 AEK – 19 821 teńge, tórtinshi jáne odan kóp bala úshin 8,90 AEK – 22 473 teńge);

- múgedek balany eresek bolǵanǵa deıin tárbıelep otyr­ǵan anasyna nemese áke­si­ne, asyrap alýshy­syna, qam­qor­shysyna taǵaıyn­dal­ǵan jáne tólengen járdemaqy (onyń mólsheri 2019 jyldyń 1 shildesinen bastap ortasha eseppen 41 418 teńge (1,4 eń tómengi kúnkóris deńgeıi)

- bala kezinen birinshi toptaǵy múgedektigi bar aza­matty kútýge tólenetin jár­demaqy (2019 jyldyń 1 shildesinen bastap, 41 578 teńge (13.4 eń tómengi kún­kóris deńgeıi)

Sondaı-aq Qazaqstanda «Altyn alqa», «Kúmis alqa» alqalarymen marapattalǵan nemese buryn «Batyr ana» ata­ǵyna ıe bolǵan, I jáne II dárejeli «Ana dańqy» ordenderimen marapattalǵan kóp balaly analarǵa aı sa­ıyn­ǵy memlekettik jár­dem­­aqy tabysyna qara­mas­­tan tóle­nedi (mólsheri 16 160 teńge).

Sonymen qatar, 4 jáne odan da kóp kámeletke tol­maǵan balalary bar kóp balaly otbasylarǵa 2018 jylǵy 1 qańtarǵa deıin taǵaıyndalǵan járdemaqy tólenedi, 2019 jyly járdemaqy mólsheri – 10 504 teńge.

Sonymen qatar, jumys isteıtin áıelderge bosanýy jáne bir jasqa deıingi bala kútimi boıynsha járdemaqy Memlekettik áleýmettik saq­tan­­dyrý qorynan tóle­ne­di.

Esterińizge sala keteıik, Prezıdent Qasym-Jomart Toqaevtyń Qazaqstan halqyna Joldaýynda aıtylǵan tapsyrmasyna sáıkes Eńbek jáne halyqty áleýmettik qorǵaý mınıstrligi ataýly áleýmettik kómek kórsetýdiń jańa mehanızmderin ázir­leýde. Bul mehanızmder ashyq­tyq, ádildik jáne eńbek­­ke yntalandyrý qaǵı­dat­ta­ry­na negizdelip, balalardy áleýmettik qoldaý sharalaryna erekshe nazar aýdarylatyn bolady.

«Egemen-aqparat»