Bul rette Qazaqstan Prezıdenti azamattardyń quqyqtary men qaýipsizdigin qorǵaýdy kúsheıtýdiń basty faktory retinde sot jáne quqyq qorǵaý júıelerin tereń reformalaýdy jón sanaıdy.
Azamattardyń quqyqtaryn qorǵaýdy kúsheıtý múddesinde sot sheshimderiniń sapasyn jaqsartý boıynsha birqatar mańyzdy sharany júzege asyrý tapsyryldy, onyń ishinde sot praktıkasynyń birkelkiligin qamtamasyz etý, ákimshilik ádilettilik engizý, jeke tulǵaǵa qarsy aýyr qylmystar úshin jazany kúsheıtý, sondaı-aq sybaılas jemqorlyqqa qarsy júıeli kúres máseleleri bar.
Azamattardy tabıǵı qubylystar men tehnogendik apattardan qorǵaý máselelerine erekshe nazar aýdarylady. Sondaı-aq jańa tujyrymdama negizinde jaýyngerlik qabiletti iskerdi qalyptastyrý mindeti qoıyldy.
Memleket basshysy atap ótkendeı, «Arystaǵy oqıǵalar Qarýly Kúshterde eleýli kúrdeli máseleler jınaqtalǵanyn kórsetti». Qasym-Jomart Toqaev osyndaı máselelerdiń bar ekenine áskerı bólimde jarylys bolǵan soń Arys qalasyna kelgen kezde kóz jetkizdi.
El Úkimeti eki jyl buryn bergen talaptar – 2017 jyly Qorǵanys mınıstrligi men basqa da osyndaı obektilerdiń órt qaýipsizdigin qamtamasyz etý vedomstvolary jónindegi talaptary osy áskerı bólimde oryndalmaǵan. Bul tótenshe jaǵdaıdyń saldaryn joıýǵa Úkimet rezervinen ǵana 34 mlrd teńgeden astam qarjy bólindi, al turǵyn úıler men basqa da obektilerdi qalpyna keltirý úshin oblystar bıýdjetterinen jáne basqa da kózderden qarajat jumsaldy.
Qazaqstan Prezıdenti barlyq áskerı shyǵyndardy retke keltirýdi, áskerdegi qarjylyq jáne jalpy tártipti nyǵaıtýdy, áskerı qyzmettiń bedelin arttyrýdy, qarýly kúshterdiń materıaldyq jaraqtandyrylýyn talap etti.
Bul talaptar túrli salalardaǵy aýqymdy mindetterdi aldaǵy ýaqytta iske asyrýdy eskere otyryp, erekshe ózektilikke ıe bolady. Búgingi kúni Qazaqstannyń áleýmettik-ekonomıkalyq damýynda belgilengen mejelerge tabysty qol jetkizýi memlekettik qarajattyń durys jumsalýyna baılanysty.
Qazaqstan áskeri úshin jyl saıyn bólinetin qarajat kólemi IJО́-niń shamamen 1 paıyzyn quraıdy. Sáıkesinshe, bul qarajat tıimdi jumsalýy tıis.
El Prezıdenti Qasym-Jomart Toqaevtyń Qazaqstan halqyna Joldaýynda belgilengen mindetter aıasynda halyqaralyq ahýaldaǵy ózgerister sıpatyna, sondaı-aq eldiń naqty ekonomıkalyq jáne áskerı múmkindikterine sáıkes keletin utymdy áskerı saıasatty ázirleý erekshe mańyzǵa ıe bolady. Bul rette bizdiń elimizdegi áskerı qurylys barysynda sheshiletin negizgi mindetterdiń biri Qarýly Kúshterdiń sapaly parametrlerin arttyrý bolýy tıis, olardyń ishindegi eń mańyzdysy – bizdiń áskerimizdiń jaýyngerlik daıyndyǵy men jaýyngerlik qabilettiliginiń deńgeıi.
Bul mindetti oryndaý bizdiń áskerimizdiń jańa geosaıası jaǵdaıda el qaýipsizdigine tónetin qaýip-qaterdi toıtarýǵa daıyndyǵyn qamtamasyz etedi.
Georgıı DÝBOVSEV,
Prezıdent janyndaǵy QSZI-diń bas ǵylymı qyzmetkeri, áskerı ǵylymdar kandıdaty, dosent
