Ol úshin arnaıy «Jasyl Almaty» baǵdarlamasy da ázirlengen.
«Almaty ¬– ekologııalyq taza, jasyl jelekti qalaǵa aınalýy kerek. Aldaǵy úsh jylda 1 mıllıon túp aǵash otyrǵyzýymyz qajet. Sonymen qatar, demalys oryndary men saıabaqtarda da kógaldandyrý jumystary qarqyndy júrgiziledi. «Jasyl Almaty» baǵdarlamasy sol úshin jasaldy», - dedi Almaty qalasynyń ákimi Baqytjan Saǵyntaev.
Qala basshysy aıtqan «Jasyl Almaty» baǵdarlamasy - «Almaty-2050» damý strategııasynyń bir baǵyty. Atalǵan joba aıasynda megapolıs kógaldandyrylmaq. Qazirdiń ózinde bul jolda jumystar júrgizilýde. Máselen, Túkti taýynda 50 myń túp aǵash otyrǵyzyldy. Al, Kóktóbe jotasyna 50 myń jabaıy alma men jarty mıllıon qyzǵaldaq egildi. Sonymen qatar, mektep aýlasyna da jasyl jelek otyrǵyzylyp jatyr. Ekologııalyq naýqannyń barlyǵyna qala ákimi Baqytjan Saǵyntaev bastaǵan top, eriktiler, stýdentter jáne tabıǵatqa jany ashıtyn qarapaıym turǵyndar qatysyp jatyr.
«Jasyl Almaty» aksııasynyń ereksheligi tek qana tal egilip jatqan joq. Qasyna qyzǵaldaǵy qosylyp egilip jatyr. Kelesi jyly elestetiińizshi aǵashtarymyz jap-jasyl, ortasynda qyzyl sary, qyzǵaldaqtarymyz jaıqalyp tursa. Tabıǵattyń sulýlyǵy adamdy tartady ǵoı. Bir kelgen adam sońyna 2-3 adamdy ertip keledi», - dedi ánshi, aktrısa Janar Aıjanova.
Qalalyq jasyl ekonomıka basqarmasynyń mamandary ákim aıtqan jobany júzege asyrý joldary qarastyrylyp jatqanyn aıtady. Sonymen qatar, aǵashtar az jerler anyqtalyp sonda egilgenin de jetkizdi. Alataý, Túrksib jáne Naýryzbaı aýdandaryna qarashanyń 25-ine deıin jappaı tal otyrǵyzylady.
«Qazirgi kezde Jasyl Almaty jobasy boıynsha biz ǵalymdarmen jumys istep jatyrmyz. Iаǵnı, qaı jerge qandaı aǵash túrin otyrǵyzýdy talqylaımyz. Mektepter men balabaqshalardyń aýmaǵy, memlekettik mekemelerdiń mańaıyn anyqtaǵannan keıin jasyl jelek egiledi», - dedi Almaty qalasy Jasyl ekonomıka basqarmasynyń bólim basshysy Oljas Janysbaev.
«Jasyl Almaty» jobasy 2030 jylǵa deıin 3 baǵyt boıynsha júzege asyrylýy tıis. Aldymen saıabaqtar men demalys oryndaryna basa nazar aýdarylady. Odan keıin, jańadan salynǵan turǵyn úılerdiń aýlalaryna jasyl jelek egiledi. Sońǵysy, «jasyl qordy» jańartý. Iаǵnı, ár tal biryńǵaı júıege engiziledi. Osylaısha mamandar, elektrondy túrde qaladaǵy aǵashtardyń jaǵdaıyn baqylap otyrmaq.
