Saltanatty sharaǵa Batys Qazaqstan oblysy ákiminiń birinshi orynbasary Muhtar Mankeev, «Nazarbaev Zııatkerlik mektepteri» DBBU Basqarma tóraıymy Kúlásh Shámshıdınova, QR Energetıka mınıstrligi jáne «Shell» kompanııasynyń ókilderi qatysty.
Nazarbaev Zııatkerlik mektebiniń aýmaǵynda «Shell» kompanııasy qýaty 100 Kvt/saǵ. fotoelektrlik kún panelderimen jabdyqtalǵan arnaıy turaqtar ornatty. Fotoelektrlik stansııa kún sáýlesin fotoelektrlik modýlder arqyly túrlendirý arqyly elektr energııasyn óndiredi. Olar mekteptiń jyldyq energııa tutynýynyń 20% únemdeıdi jáne artyq óndirilgen elektr energııasyn qalalyq jelige jiberýge múmkindik beredi.
Oblys ákiminiń birinshi orynbasary Muhtar Mankeev «Mektepterge kún energııasy» jobasy oblystaǵy «jasyl ekonomıkany» engizýde úlken qadam ekenin aıtty.
Nazarbaev Zııatkerlik mektepteri» DBBU Basqarma tóraıymy Kúlásh Shámshıdınova jobanyń STEM-bilim berýdi engizýdegi, oqýshylardyń ekologııalyq mádenıetin tárbıeleýdegi mańyzyn atap ótti.
