*Qysyr áńgime
Sezikti sekiredi
– Nemenege kúrsine beresiń, mundaı keremet oqıǵaly shyǵarma áli jazylǵan emes...
– Oǵan kúmánim joq-aý...
– Endi ne, sonsha tolqyp, sonsha ábirjip?
– XVI ǵasyrdaǵy úndi komedııalaryn oqyǵan bireýler shyǵyp qala ma dep turǵanym...
Keremet!
– Myna materıal túkke turǵysyz eken...
– Al, onda qol qoıǵanyńyzǵa jol bolsyn!..
– Taqyryby keremet!..
Aǵynan jaryldy
Jasamys jazýshydan:
– Sońǵy kezde ne oqyp júrsiz? – dep edik:
– Oqý turmaq, basymda barymdy jazyp úlgere almaı júrmin... – degeni bar.
Qolynan kelse
– Pańekeń molodes!
– Ne bopty-eı?!
– Sońǵy kezde el-jurt jazýshy Pańyt Asarovpen jıi kezdesetin bop júr.
– Uıymdastyrýshylar kimder eken-eı?
– Pańyt Asarovtyń bir ózi deıdi ǵoı...
«Esti» eskertpe
Japal atty jazýshy tuńǵysh kitaby jaryq kórgende áıeline: «Sen de men jóninen maǵlumat jınaı júrseńshi, keıin estelik jazsań taptyrmaıdy ǵoı...» degeni bar.
S. SABYR
