Reseı Federasııasynyń Kórme Qazaqstan Respýblıkasyndaǵy elshiligi men Qazaqstan Respýblıkasynyń Reseı Federasııasyndaǵy elshiliginiń qoldaýymen ótkizilip otyr. Sport pen kórkem ónerdi bir arnaǵa toǵystyrǵan joba Halyqaralyq «Kraft-Pavlov» zamanaýı ónerdi qoldaý qaıyrymdylyq qory jáne Imperatorlyq pravoslavıelik palestınalyq qoǵamnyń uıymdastyrýymen júzege asty. Kórmege qoıylǵan kartınalardyń negizgi jelisi jer betindegi mıllıardtaǵan adam qyzyǵa kóretin fýtboldyń jarqyn álemine qurylǵan.
Is-sharanyń ashylý saltanatynda sóz alǵan Ulttyq mýzeıdiń dırektory Arystanbek Muhamedıuly: «Bul – eki jyl boıy belsendi túrde júzege asyrylyp kele jatqan, Qazaqstan men Reseı Federasııasynyń arasyndaǵy dostyq qarym-qatynasty kórsetip, eki eldiń mádenı baılanystaryn arttyra túsetin joba. «О́nerdegi dop» kórmesi alǵash ret 2018 jyly Máskeýde fýtboldan álem chempıonaty ótip jatqan ýaqytta uıymdastyrylyp, úlken jetistikke jetip, tanymal bolǵan edi. Kórmedegi keremet týyndylar fýtboldan álem chempıonaty kezindegi sáýleli sátterdi eske salady», dedi.
Ekspozısııada reseılik jáne sheteldik tanymal sýretshilerdiń fýtbol álemine, onyń gýmanıstik qundylyqtaryna arnalǵan 100-den astam týyndysy usynyldy.
Parlament Májilisiniń vıse-spıkeri Vladımır Bojko: «Qazaqstan men Reseı arasynda mádenı baılanys joǵary deńgeıde ekenin atap ótken jón. Qarym-qatynastyń bul túri eki el arasyndaǵy strategııalyq baılanysqa oń yqpal etip, bir-birimizdiń jetistigimizge ortaqtasyp, halyqtar arasynda ózara túsinistik ornatady. Bul shara Reseı Federasııasy ótkizgen álem chempıonatyna arnalady. Atalǵan dúbirli chempıonat kezinde uıqysyz túnder, túrli tilekter, qoldaýlar men zor eńbek boldy. Bul kórmeniń aldaǵy ýaqytta ózge elderde keńinen nasıhattalyp, úlken jetistikterge qol jetkizýine tilektespin», dep jyly lebizin jetkizdi.
«О́nerdegi dop» kórmesi alǵash ret FIFA-2018 fýtboldan álem chempıonaty ótip jatqan ýaqytta uıymdastyrylyp, halyqaralyq rezonans týdyrdy. «Jol kartasy» Parıj, Beıjiń, Monako, Jeneva, Berlın, London, Seýl, Baký jáne t.b. arqyly ótetin art-kórmeniń álemdik týrnesi Nur-Sultannan bastaý aldy. «О́nerdegi dop» art-kórmesin 2020 jylǵy jazda fýtboldan EVRO-2020 matchtary ótetin ýaqytta Sankt-Peterbýrgtegi «Manejde» ótkizý josparlanýda. Halyqaralyq art-týrneniń márelik núktesi fýtboldan kelesi 2022 jylǵy álem chempıonatynyń qarsańynda Dohada (Qatar) bolmaq.
Jobanyń uıymdastyrýshylary Elena Kraft pen Elena Agapova halyqaralyq atalǵan art-jobanyń qazaq jerinde ótýine qoldaý kórsetkeni úshin Qazaqstan Respýblıkasynyń Reseı Federasııasyndaǵy Tótenshe jáne ókiletti elshisi Imanǵalı Tasmaǵambetovke erekshe alǵysyn bildirdi. «О́nerdegi dop» jobasynyń uıymdastyrýshylary sonymen qatar Qazaqstan Respýblıkasy Mádenıet jáne sport mınıstrliginiń, Qazaqstan Respýblıkasy Ulttyq mýzeıiniń, Qazaqstan Fýtbol federasııasynyń basshylyqtaryna rızashylyqtaryn bildirdi.
