О́ndiris salasyndaǵy tehnıkalyq qyzmet kórsetý jumys kóleminiń ótken jylǵa qaraǵanda tómendeý sebebi - «О́zenMunaıGaz» AQ-na tehnıkalyq qyzmet kórsetetin «Burǵylaý» JShS-i arqyly kórsetilgen tehnıkalyq qyzmetter 01.09.2019 jyl kezeńine 28,0 mlrd teńgeni qurasa, al 01.09.2018 jyl kezeńine – 30,0 mlrd teńge bolǵan, ıaǵnı 2,0 mlrd teńgege azaıyp otyr.
Budan basqa tabıǵı gaz óndirýdiń azaıýynan negizgi kapıtalǵa salynǵan ınvestısııa (NKI) azaıyp otyr (tabıǵı gaz óndirý - 174,1 mln tekshe metr bolyp, 16,1 mln tekshe metrge tómendedi, 01.09.2018j - 190,2mln tekshe metr). Negizgi kapıtalǵa salynǵan ınvestısııanyń kólemi 25,9 mlrd teńgeni qurady, ótken jyldyń sáıkes kezeńine qaraǵanda 4,1 mlrd teńgege nemese 16,9%-ǵa azaıyp otyr (2018j. qańtar-tamyz aılarynda – 30,0 mlrd teńge). Tómendeý sebebi: jeke turǵyn úı qurylysyna salynǵan ıvestısııa kólemi 2019 jyldyń 6 aıynda 6,0 mlrd.teńgeni qurasa (455 úı), 2018 jyldyń 6 aıynda 11,0 mlrd teńge bolǵan (665 úı), ıaǵnı 5,0 mlrd teńgege (210 úı) azaıyp otyr. Budan basqa 2018 jyly 900 oryndyq 3 mekteptiń qurylysy júrgizilgen bolatyn, quny – 4,5 mlrd teńge jáne «OralMunaıProm» JShS tarapynan 3,0 mlrd teńgege elektrstansııasyn saldy, dedi Jańaózen qalasynyń ákimi Maqsat Ibaǵarov málimdedi.
Maqsat Ońǵarbaıulynyń málimdeýinshe, «Iske qosylǵan turǵyn úılerdiń jalpy aýdany 80,6 myń sharshy metrdi qurady, 2018 jyldyń sáıkes deńgeıine qaraǵanda 82,0% qurady (2018j. qańtar-tamyz aılarynda – 98,2 myń sharshy metr).
Tómendeý sebebi: Jańaózen qalasynda jeke turǵyn úılerge arnalǵan jel telimderi 2010 jyldan bastap bólinbegen. 2010 jylǵa deıin berilgen jer telimderiniń qabyldaý aktileri tirkelip bolǵan. Jańaózen qalasynyń jáne oǵan irgeles aýyldarda turǵyn úı qurylysy salynyp, biraq qabyldaý aktisi rásimdelmegen turǵyn úılerge eskertý berilip, jumystar jalǵasyn tabýda.
Qurylys jumystarynyń kólemi 9,763 mlrd.teńgeni qurady, ótken jyldyń sáıkes kezeńine qaraǵanda97,0%-dy qurady (2018j. qańtar-tamyz aılarynda – 9,762 mlrd teńge boldy). Qurylys jumystarynyń ótken jylǵa qaraǵanda 1,0 mln teńgege joǵary bolǵanymen, NKI tómendeýi tutyný baǵasynyń joǵarylaýynan bopyp otyr (103,3%-dan 103,6%-ǵa ósti).
Injenerlik-ınfraqurylymdary aýyz sýmen, elektr jaryǵymen jáne kógildir otynmen (gaz) tolyqtaı qamtamasyz etilgen.
