Chempıondyqqa talas qyzdy

El birinshiliginiń 31-týr oı­yn­­­darynyń shymyldyǵyn Qy­zyl­ordanyń «Qaısary» men Atyraýdyń «Atyraý» ko­man­dalary ashty. Qazaqstan ký­bo­gynda top jarǵannan keıin «Qaı­sar» Eýropa lıgasyna jol­dama alyp, ishki chempıonattaǵy mıs­sııasyn merziminen buryn oryn­daǵan soń qalǵan ko­man­dalarǵa upaı tarata bastady. О́tken týrda «Ertiske» upaı syı­laǵan Qyzylordanyń komandasy bul joly «Atyraýǵa» úsh upaı ustat­ty. «Qaısar» óz alańynda ótkizgen kezdesýde qonaqtarǵa 0:1 esebimen ese jiberdi. Match­taǵy jalǵyz gol­dyń avtory – Gjelchak Petr. Premer-lıgada jan saq­tap qalýdyń qamyna kirisken «Aty­raý» bul jeńisinen keıin týr­nır kestesinde 23 upaımen 11-orynda keledi.

Eýropa lıgasyna joldama beretin úshinshi orynnan úmiti bar Shymkenttiń «Ordabasy» komandasy óz alańynda Pav­lodardyń «Ertis» koman­dasyn qa­byldap, 2:0 esebimen jeńiske jetti. О́te tartysty ótken oıynda «Ordabasy» soń­ǵy mınýttarda qarsylasynan basym tústi. Matchtyń 78-mınýtynda qorǵaýshy Sergeı Malyı esepti ashsa, arada 6 mınýt ótkende shabýylshy Maı Mahlangý kez­desýdiń núktesin qoıdy. О́z ala­ńynda mańyzdy úsh upaıǵa qol jetkizgen «Ordabasy» qo­la júlde úshin kúresti jal­ǵas­tyrýda. Al «Ertistiń» bas­ty maqsaty úzdik ondyqtyń qata­rynan túsip qalmaý bolyp tur.

Chempıondyqtan negizgi úmit­ker­lerdiń biri – Almatynyń «Qaı­­­raty» óz alańynda osy match­qa deıin bas júldeden úmit­ti bolǵan Qostanaıdyń «To­by­lyn» qabyldady. Jalpy, bul matchty týrdyń ortalyq oıy­ny dep aıtýǵa tolyq negiz bar. О́ıtkeni eki komandaǵa da úsh upaı aýadaı qajet bolatyn. Sondaı-aq jeńiske jetken komanda chem­pıondyqqa talasty ári qaraı jal­ǵastyra beredi, al jeńilgen ko­manda al­tyn júldeden úmitin úzip, qo­la medal úshin oınaıdy. «Ordabasy» – «Ertis» matchy sııaq­ty bul oıynda da eki gol soǵyp, jeńimpaz komandanyń esi­mi sońǵy mınýttarda bel­gili boldy. Georgıı Jýkov 73-mınýtta «Qaı­ratty» esepte alǵa shyǵarsa, 93-mınýtta Artýr Shýshenachev alań ıeleriniń jeńisin naqtylady. Endi «Qaırat» pen «Astana» arasyndaǵy chempıondyqqa talas qyza túspek.

Sońǵy jeti oıynnyń be­seýinde qarsylastaryna ese ji­berip, týrnır kestesinde tó­men syrǵyp bara jatqan Qara­ǵan­dynyń «Shah­teri» sońǵy eki týrda ekinshi ret teń oınady. Sáıkesinshe, kenshiler koman­dasy jeti týrdan beri je­ńiske jete almaı keledi. О́tken týrda «Tarazben» 0:0 esebimen teń tar­qassa, bul joly óz alańynda Kók­shetaýdyń «Oqjetpes» klý­bymen teń oınady. Oıyndaǵy qo­rytyndy esep – 2:2. Bir-bir upaı­dy qorjyndaryna salǵan eki komanda týrnır kestesinde 7-shi jáne 8-oryndardy bólisip tur.

Taldyqorǵannyń «Jetisýy» men Tarazdyń «Taraz» klýbynyń arasyndaǵy kezdesý 0:0 esebimen aıaqtaldy. «Jetisý» bul oıynda jeńilse de, jeńiske jetse de týrnır kestesindegi 5-orynda qa­la beredi. Sondyqtan bul oıyn jetisýlyqtar úshin asa mańyzdy bolǵan joq. Al qonaq komandanyń maqsaty qalaı da upaı oljalaý bolatyn. Syrt alańda bir upaıǵa qol jetkizgen «Taraz» 26 upaımen týr­nır kestesinde 10-orynǵa tu­raq­tady.

31-týrdyń shymyldyǵy elor­dada jabyldy. «Astana» – «Aq­tóbe» arasyndaǵy match týr­dyń eń kóp gol soǵylǵan oıy­ny boldy. Chempıondyqtan negizgi úmitker «Astana» Eýropa lıga­synyń 3-týrynda syrt alańda Nıderlandtyń AZ komandasynan ońbaı jeńilgen soń, aıybyn jýyp-shaıý úshin óz jankúıerleri aldynda iri eseppen jeńiske jetýi kerek edi. Jáne solaı bol­­dy da. Bul kezdesýde «As­ta­na» 5:0 esebimen jeńiske jet­se, Ma­rın Tomasovtyń bir ózi 4 gol soqty. Fýtbol tilimen aıt­qan­da, poker avtory atandy. Bir qyzyǵy, el chempıonatynda soń­ǵy ret tórt goldy 2003 jy­ly túrikmen shabýylshysy Múslim Agaev salǵan eken. Osy­laısha 16 jyldan beri mur­ty buzylmaı kele jatqan statıs­tıkany hor­va­tııalyq sańlaq jańartty. «Astana» sapyndaǵy besinshi goldy Serikjan Mujyqov sal­ǵanyn da aıta keteıik.

Aldaǵy jeksenbi kúni 32-týr oıyndary ótedi. Bul týrda «Aq­tóbe» – «Shahter», «Atyraý» – «Ordabasy», «Ertis» – «Qaırat», «Oqjetpes» – «Jetisý», «Taraz» – «Qaısar» jáne «Tobyl» – «Astana» komandalary kezdesedi.

31-týrdan keıin surmergender kóshin 19 golmen «Astananyń» jartylaı qorǵaýshysy Marın Tomasov bastady. Ekinshi orynda 18 golmen «Qaırat» shabýylshysy Aderınsola Eseola tursa, úshinshi satyda «Qaırattyń» taǵy bir oıyn­­shysy Marton Eppel orna­lasqan. Onyń enshisinde 16 gol bar.