Qazylar alqasynyń sheshimimen «Til mektebi» atalymy boıynsha Jambyl atyndaǵy MMI qazaq tili jáne ádebıet pániniń muǵalimi Shárıpa Qapasheva jeńimpaz atandy. «Asyl sóz» atalymynda bas júlde Shahter kentindegi K.Shaımenov atyndaǵy orta mekteptiń 9-synyp oqýshysy Vıoletta Golovastaıaǵa buıyrdy. Shahtınskidegi Á.Bókeıhanov atyndaǵy mektep-lıseıdiń 9-synyp oqýshysy Janna Secheneva «Sen de bir kirpish dúniege...» atalymy boıynsha úzdik shyqty. Al oblys ortalyǵyndaǵy № 93 gımnazııanyń 8-synyp oqýshysy Karına Pantýzenko «Ózim týraly» atalymy boıynsha top jardy.
Eske salsaq, «Myń bala» respýblıkalyq mádenı-aǵartýshylyq jobasy ár túrli ulttardyń balalary men jastaryna memlekettik tildi úırenýge, qazaq tili men mádenı ortasyna shyǵýǵa, salt-dástúrler men ádet-ǵuryptardy bilýge múmkindik beredi.
Sonymen qatar olar qazaq tilindegi fılmder men mýltfılmderdi qaraıdy, shyǵarmashylyq jobalardy qorǵaıdy, teatrlandyrylǵan qoıylymdar qoıady, baıqaýlar men jarystarǵa qatysady.
