Naqty is-sharalardyń nátıjesinde órt sany edáýir azaıyp otyr. 2018 jyly 243 órt oqıǵasy bolsa, bıyl 195 órt oqıǵasy tirkelgen. Sonyń ishinde 53 adam qutqarylyp, 390 adam qaýipsiz jerge kóshirildi. №1 mamandandyrylǵan órt sóndirý bóliminiń basshysy Erlan Raqmashovtyń aıtýynsha, bul turǵyndardyń arasynda jıi júrgizilgen túsindirme jumystarynyń nátıjesi.
- Oblys aýmaǵynda 13 mamandandyrylǵan órt sóndirý bólimi bar. Barlyǵy da sońǵy úlgidegi órt sóndirý tehnıkalarymen jabdyqtalǵan. Qazirgi tańda órt sóndirý boıynsha tehnıkalardyń bári saqadaı saı daıyn. Sonymen qatar kópshilik adam kóp jınalatyn jerlerde, ıaǵnı, saýda oryndarda,bazarlarda jeke qurammen órt taktıkalyq jattyǵýlarymyz kúndelikti ótip turady,- deıdi Erlan Raqmashov.
Aıta keteıik, Atyraý oblysy boıynsha búginde órt sóndirý bólimderinde 500-den astam qyzmetker jumys isteıdi.
