Jalpy, Prezıdent nus­qaý­­laryna sáıkes agenttikte «Es­tıtin memleket» tujyrym­damasy dáıekti túrde iske asyrylýda. Atap aıtqanda, azamat­tardyń óti­nish­terin qaraý tá­silderi túbe­geı­li qaıta qaralǵan. «Biz jáne bizdiń «Adaldyq ala­ńy» jo­balyq keńselerimiz kómegimen ár ótinish muqııat qaras­tyrylyp, máseleler oń sheshi­ledi. Oǵan dálel retinde 2 myń­nan astam azamattyń buzyl­ǵan quqyqtarynyń qalpyna keltirilgenin aıtýǵa bolady», dep atap ótti A.Shpekbaev. So­nymen qatar basqa qala­lyq aza­mattardy qabyldaý yńǵaı­ly ári qoljetimdi bolý úshin beı­nekonferensbaılanys arqy­ly júrgiziledi. Agent­tik qyz­met­kerleri qoǵamdyq bel­sendilerdi qatystyra otyryp, mobıldi qabyldaý bólmeleri sheńberinde «halyqtyq zańger» qaǵıdaty boıynsha quqyqtyq kómek kórsetý úshin aýyldy jerlerge baryp júr. Al agenttiktiń azmattarmen keri baılanysynyń taǵy bir arnasy – «Agenttiktiń Call-ortalyǵy 1424» bolyp otyr.

Eýropanyń aldyńǵy qa­tar­ly elderiniń tájirıbesi boıynsha búginde ustanymyna berik azamattardyń habar­la­ma­larynyń negizinde de qyl­mystyq ister qozǵalýda. Osy jyl ishinde kelip túsken 3,5 myń qońyraýdyń 600-ge jýyǵy tirkelgen. Rastalǵan faktiler boıynsha 44 qylmystyq is ter­gelýde. О́tken jylmen salys­tyr­ǵanda qońyraýlar (2018 jyldyń osy ýaqyt aralyǵynda 388) jáne tergelip jatqan ister (21) is júzinde eki ese óske­ni baıqalady. Agenttik tór­aǵasy A.Shpekbaev sońǵy úsh jyl­da keshendi aldyn alý sharala­rynyń nátıjesinde sybaı­las jemqorlyq quqyq buzýshy­lyq­tardyń sany 14% azaıǵanyn atap ótti. Qylmystyń negizgi bóligi – paraqorlyq (850), urlyq (714) jáne bılikti asyra paı­dalaný (224) faktileri. 1028 tulǵa áshkerelendi, onyń 23-i res­pýblıkalyq jáne 86-sy oblystyq deńgeıdegi basshylar. Al kelti­rilgen zalaldyń mólsheri edáýir artqan – 23,2 mlrd teńge (ótken jylmen salystyrǵanda 1,7 esege kóp; 2018 jyldyń 9 aıynda 13,5 mlrd teńge), onyń 94%-y ótelgen.

Alık Shpekbaev agenttiktiń mindetterine toqtala kelip olar­dyń bastylarynyń biri – sy­­baı­las jemqorlyqtyń júıelik faktilerin oryndaýshydan uıym­dastyrýshyǵa deıingi qylmys­tyq shemany anyqtaý eken­digin atap ótti. Jyl basynan beri osyndaı 92 jaǵdaıdyń joly kesilip, 347 tulǵa áshkere­lengen. Memlekettik baǵdarla­malardyń iske asyrylýyn baqylaý nátıjesinde 181 sybaılas jemqorlyq qylmys tirkeldi, 287 laýazymdy tulǵalardyń bız­neske zańsyz aralasý fakti­leri anyqtaldy, 198 adam jaýap­­ker­shilikke tartyldy, 85 adam sot­taldy, 282 kásipkerdiń qu­qyqtary qorǵaldy.

Sonymen qatar agenttik tór­aǵasy sybaılas jemqorlyq quqyq buzýshylyq jasaǵany úshin quqyq qorǵaý organdarynyń qyzmetkerleri men sýdıalaryn jaýapkershilikke tartý bo­ıynsha jumystar júrgizilip jatqanyn aıtty.

Alqada aıtylǵandaı, azamattar ómiriniń sapasy men taby­syn arttyrýdyń basty faktor­larynyń biri – kásibı, tıimdi, eń bastysy sybaılas jemqor­lyqtan ada memlekettik apparatty qalyptastyrý. Alaıda eńbekaqy tóleýdiń jańa júıesine kóshpegen memlekettik organdarda atqarýshylyq qyzmettegi 20 jyldan astam jumys ótili bar memlekettik qyzmetshilerdiń qazirgi ýaqyttaǵy jalaqysy – el boıynsha ortasha kórsetkishten tómen. Memlekettik qyzmetterdi sıfrlandyrý, memlekettik organdar qyzmetiniń ashyqtyǵy men aıqyndylyǵyn arttyrý bo­ıynsha atqarylǵan aýqymdy ju­mys­tarǵa, keshendi aldyn alý jáne jazalaý sharalaryna qara­mastan, memlekettik qyzmet­shiler jalaqysynyń qazirgi deńgeıi sybaılas jemqorlyqty azaıtýdy aıtarlyqtaı tejeýde.

Otyrysta Prezıdent Ákimshiligi Basshysynyń orynbasary Málik Myrzalın sóz sóılep, memlekettik apparat jumysynyń tıimdiligin arttyrý tásilderi týraly aıtyp ótti. Sol sııaqty alqa jumysyna Shyǵys Qazaqstan oblysynyń ákimi Danııal Ahmetov, Tuńǵysh Prezıdent – Elbasy qory atqarýshy dırektorynyń orynbasary Igor Rogov, Nur Otan partııasynyń hatshysy Marat Sembekov, Ulttyq qoǵamdyq senim keńesiniń múshesi, jazýshy, rejısser Ermek Tursynov, Qazaqstan Respýblıkasyndaǵy Bala quqyqtary jónindegi ýá­kil, qoǵam qaıratkeri Arýjan Saın jáne Nur-Sultan, Alma­ty, Shymkent qalalary men ob­lys­tar ákimderiniń oryn­ba­sar­­lary, ortalyq mem­le­ket­tik organdardyń jaýap­ty hatshylary men apparat je­tek­shileri, sonymen qosa jurtshylyqtyń, úkimettik emes jáne jastar uıymdarynyń ókilderi qatysty.