Baıqońyrdaǵy «Soıýz-6», «Soıýz-5» ortasha jáne ortashadan aýyr zymyrandardy ushyrý úshin salynyp jatqan ǵarysh-zymyran keshenine Nazarbaev atyn berý ıdeıasy Reseı basshysy Vladımır Pýtınge tıesili.
«Eki eldiń birlesken jobasynyń atyn aýystyrý máselesin Prezıdent Ákimshiligimen pysyqtap jatyrmyz. "Báıterekti" "Nazarbaev start" dep aýystyrý úshin úkimetaralyq kelisimge ózgeris engizý kerek. Prezıdent Ákimshiliginen qarsylyq bolmasa jyl sońynda protokolga qol qoıylady», - dedi Sıfrlyq damý, qorǵanys jáne aeroǵarysh ónerkásibi vıse-mınıstri Marat Nurǵojın.
Osyǵan deıin Qazaqstan Premer-Mınıstri Asqar Mamın Baıqońyr qalasynyń damýymen tanysyp, "Roskosmos" basshysy Dmıtrıı Rogozınmen "Nazarbaev starty" jobasyn talqylaǵanyn Premer-Mınıstrdiń resmı saıty habarlaǵan bolatyn.
2019 jyly 7 qyrkúıekte Máskeý qalasynda Qazaqstannyń Tuńǵysh Prezıdenti – Elbasy Nursultan Nazarbaev pen Reseı Prezıdenti Vladımır Pýtınniń kezdesýi barysynda reseılik tarap "Báıterek" jobasyn "Nazarbaev starty" dep qaıta ataýdy, sondaı-aq, ony tıimdi iske asyrý úshin "Soıýz-5" jáne "Soıýz-6" zymyran tasyǵyshtaryn ushyrý úshin biregeı startty, sondaı-aq pılottaý baǵdarlamasyn alyp tastaýdy qarastyratyn jańa jaǵdaılardy qarastyrýdy usynǵan edi.
Baıqońyr kesheni jáne Nazarbaev starty dep ózgertýge baılanysty jumsalatyn shyǵyndardy qaı el tóleıtini ázirge belgisiz.
ALMATY
