Toptyq kezeńdegi tórtinshi matchta Italııanyń «Iýventýs» komandasy syrt alańda Máskeýdiń «Lokomotıv» klýbynan 2:1 esebimen basym tústi. Osy jeńisinen keıin Týrın komandasy 10 upaı jınap, toptan birinshi bolyp kelesi kezeńge joldama aldy. Al Germanııanyń «Bavarııa» komandasy óz alańynda Grekııanyń «Olımpıakosyn» qabyldap, 2:0 esebimen jeńiske jetti. Tórt týrda Mıýnhen komandasy 12 upaı ıelenip, pleı-off kezeńiniń máselesin merziminen buryn sheship qoıdy.
Sondaı-aq Fransııanyń PSJ komandasy da Chempıondar lıgasynyń 1/16 kezeńine joldama aldy. 4-týr aıasynda Parıj komandasy óz alańynda Belgııanyń «Brıýgge» komandasymen kezdesip, 1:0 nátıjesimen jeńdi. Osylaısha tórt oıynnan keıin 12 upaımen pleı-off satysyna shyqty.
