Otandyq jýrnalıstıkanyń ózekti máseleleri talqylandy

Forým jumysyna Qazaq­stan halqy Assambleıasy Tóraǵa­synyń orynbasary – Prezıdent Ákimshiligi Qazaqstan halqy Assambleıasy Hatshylyǵynyń meń­gerýshisi Janseıit Túıme­baev, Túrkııa, Ázerbaıjan, О́z­bek­stan memleketterinen kel­gen­ halyqaralyq sarapshylar men sholýshylar, depýtattar, memlekettik organdardyń ókil­deri, Qazaqstan halqy Assamb­leıasynyń músheleri, respýblı­kalyq jáne aımaqtyq BAQ-tyń bas redaktorlary qatysty.

Jıyndy bastamas buryn Janseıit Túımebaev Qazaq­stan halqy Assambleıasy Jýrnalıs­ter klýbynyń jańa tóraǵasyn tanystyrdy. Qoǵamdyq negizdegi bul jumysty budan bylaı belgili jýrnalıst, «Kazakh TV» ult­tyq arnasynyń dırektory Maııa Bekbaeva atqarady.

– Búgingi basty másele – qoǵamdaǵy turaqtylyq pen etnos­aralyq kelisim, áleýmet­tik birlikti nyǵaıtýda jýrnalıs­ter qaýymy aldynda tur­ǵan mindetterdi ortaǵa salý. El­basy Nursultan Nazarbaevt­yń Qazaq­stan halqy Assambleıa­synyń qyzmetin turaqty túr­de aqparattyq qoldaýǵa qatys­ty arnaıy tapsyrmasy bar. Prezıdent Qasym-Jomart Toqaev óz Joldaýynda áleý­met­tik jáne etnostyq toptar ara­syndaǵy kelisimdi nyǵaıtý jóninde tapsyrma bergen bolatyn. Osy oraıda otandyq jýrnalıstıka úshin qoǵamdyq kelisimdi damytý, arandatýshy aqparattarǵa qarsy ımmýnıtetti qalyptastyrý jáne qoǵam bir­ligin saqtaý taqyryptary óte mańyzdy, – dedi Janseıit Túımebaev.

Qazaqstan halqy Assamb­leıasy Tóraǵasy oryn­basarynyń aıtýynsha, memlekettik tildiń mártebesin kóterý máselesinde de BAQ ókilderiniń atqaratyn róli aıryqsha. Sondaı-aq aldaǵy jyly atalyp ótiletin Qazaqstan halqy Assambleıasynyń 25 jyl­dyǵy, Abaı Qunanbaı­ulynyń 175 jyldyǵy, Ábý Nasyr ál-Farabıdiń 1150 jyldyǵy syndy mereıli datalar tórtinshi bılik ókilderiniń nazarynan tys qalmasyna senim bildirdi.

– Búginde jýrnalıstıkanyń máni men baǵyt-baǵdary qatty ózgerdi. Aqparattyq agenttikter men qurylymdar qoǵamdy aqpa­rattandyrýdan góri qoǵamǵa belgili maqsatta yqpal etý úshin jumys isteıdi. Sondyqtan táýelsiz jýrnalıstıkanyń jaǵ­daıy kún ótken saıyn qıyn­­dap keledi. Jahandaný kezin­de, kólik jáne baılanys tehnologııa­larynyń damyǵan ýaqytynda ómir súrip jatqan soń, túrli oqıǵalardyń astaryna úńilýge májbúr bolamyz. Sol sebepten jýrnalıst kez kelgen oqıǵanyń túpki mánine úńilip, kózqarasyn oqyrman men kórermenge jetkizý úshin baılanys tehnologııalaryn tolyq ıgerip alýǵa mindetti, – dedi Túrkııanyń «Áýeli Otan» gazeti­niń bólim redaktory Kemal Sally.

Túrkııalyq jýrnalıst jahan­dyq jaǵdaılardy basqa qyrynan kórsetý maqsatynda Tuńǵysh Prezıdent Nursultan Nazarbaevtyń tájirıbesin álem elderine tanytý úshin birneshe maqala jazǵanyn da jasyrmady. 1920-jyldary Túrkııada ult-azattyq soǵys júrip jatqan kezde «Alystaǵy baýyryma» dep jyrlaǵan qazaq aqyny Maǵjan Jumabaevtyń, odan júz jyldan keıin syndarly saıasatyn júrgize bilgen Nursultan Nazarbaevtyń baýyrmaldyǵyn túrik halqy eshýaqytta umyt­paıtynyn jetkizdi.

Forýmnyń plenarlyq otyrysynda otandyq jýrnalıster, halyqaralyq sarapshylar men sholýshylar baıandama jasap, pikir almasty. Qatysýshylar nazaryna Qazaqstan halqy Assamb­leıasynyń bıylǵy jumysynyń jarqyn sátteri beınelengen «As­samb­leıanyń bir jyly» ta­qy­ry­byndaǵy fotokórme usy­nyldy.

Sondaı-aq forým jumysy­nyń sońynda memleket saıasatyn aqparattyq turǵyda qol­daýǵa, qoǵamdyq kelisim men jal­py­ulttyq birlikti nyǵaıtýǵa, Qazaqstan halqy Assambleıa­synyń qyzmetin nasıhattaýǵa úles qosqan jýrnalısterdi qoldaý maqsatynda uıymdas­tyrylǵan dástúrli «Shańyraq» respýblıkalyq baıqaýynyń júldegerleri marapattaldy. Baıqaýdyń arnaıy júldesi bıyl irge qalaǵanyna 100 jyl tolýyna oraı «Egemen Qazaqstan» res­pýb­lıkalyq gazetine tapsyryldy.