23 jastaǵy Mýngııa rıngke 2020 jyldyń 11 qańtarynda San-Antonıoda (Tehas shtaty, AQSh) oralady. Bul kezdesýde meksıkalyq boksshy chempıondyq beldigin altynshy ret qorǵaıdy. Qarsylasy ázirshe belgisiz. 30 qarashada WBO reıtınginde birinshi orynda turǵan Karlos Adames pen ekinshi oryndaǵy Patrık Teısheıra arasyndaǵy kezdesýde Mýngııanyń qarsylasy anyqtalýy kerek bolatyn. Biraq bul jekpe-jektiń jeńimpazy qańtarda chempıonǵa qarsy shyǵa almaıtyny belgili boldy.
Osyǵan baılanysty Boxingnews24.com basylymy Mýngııanyń yqtımal qarsylastarynyń tizimin jasap shyqty. Tizimde Qanat Islamnan bólek Djeff Horn, Ýolter Kaýtondokva, Lıam Ýılıams, Immanývel Alım, kishi Ýgo Senteno, Entonı Faýler, Brendon Adams bar.
