Boks • 19 Qarasha, 2019

Azııa chempıonatynda alty altyn buıyrdy

275 ret

kórsetildi

1 mın

oqý úshin

Mońǵolııa astanasy Ulan-Batyrda bokstan jastar arasyndaǵy Azııa chempıonaty óz máresine jetti. Saryqurlyq dodasynda baq synaǵan qazaqstandyq órender jalpy sany toǵyz medal jeńip aldy. Atap aıtar bolsaq, alty altyn, bir kúmis jáne eki qola medal oljalady.

Álı BITО́RE

Fınalǵa shyqqan jeti boksshymyzdyń altaýy qarsylastarynan basym túsip, Azııa chempıony degen ataqqa ıe boldy. 49 kıloda judyryqtasqan Muhammedsabyr Bazarbaıuly fınalda úndistandyq boksshydan aılasyn asyrsa, 56 kılodaǵy Beıbarys Jeksen men 64 kılodaǵy Darhan Dúısebaı ózbekstandyq boksshylardy jeńip, altyn júldege qol jetkizdi.

Sondaı-aq 52 kılodaǵy Sabyrhan Mahmud taılandtyq sportshyny jeńse, 91 kılodaǵy Toǵambaı Saǵyndyq ózbekstandyq qarsylasyn utty. Asa aýyr salmaqtaǵy Sabyrǵalı Amanat Ońtústik Koreıa boksshysynan óz myqtylyǵyn dáleldedi. О́kinishke qaraı 75 kılodaǵy Azamat Bektas fınalda jeńilip, kúmis júldege ıelik etse, Marǵulan Aıdaruly (69 kg), Erasyl Jaqpekov (81 kg) jartylaı fınalda ózbek boksshylaryna jol berip, qola júldeni qanaǵat tutty. Jalpy esepte Qazaqstan komandasy birinshi oryn ıelendi.