Amanat arqalaǵan kitaptar

Kitap – el men eldi dostastyratyn altyn kópir. Oqyrmannyń ózge el týraly túsinigi eń aldymen kitap arqyly qalyptasady. Bul oraıda ILESAM-nyń túbi bir túrki elderine túrik tilindegi kitaptardy syıǵa tartýy mańyzy joǵary, qaıtarymy bar joba deý­ge bolady. О́ıtkeni bul uıym túrik tilindegi kitaptardy tek bizdiń elimizge emes, ózge de mem­leketterge amanattap otyr. Shara barysynda sóz alǵan Túrkııa­nyń qazirgi tańdaǵy myqty aqyn­darynyń biri, atalǵan uıym­nyń basshysy Mehmet Nurı Par­­maksyz túrki álemin baılanystyryp turatyn kópirdi kitap arqyly qurý múmkindigin aıtty. «Bizdiń tilimiz ben dinimiz, mádenıetimiz ben dástúrimiz uq­sas. Bul túrki álemin baılanys­tyrady. О́tken jyly bizdiń uıym Ázer­baıjan memleketine 15 myń kitapty tegin syılap, Ulttyq kitaphanalarynda bas­pasóz máslıhatyn ótkizdi. Bıyl jospar boıynsha Qazaqstan jáne Qyrǵyzstan elderiniń árqaısysyna 10 myń kitapty tegin syılamaqpyz. Onyń ishinde Nur-Sultan qalasyna 5 myń, Almaty qalasyna 5 myń kitap taratylady. Biz túrik tilindegi latyn árpimen basylǵan bul kitaptardy sizderge amanattaımyz», dedi Mehmet Nurı Parmaksyz. Aqynnyń aıtýynsha, kitaptardyń janrlary ártúrli. Ádebı kitaptar, ǵylymı zertteýler, sózdik, ensıklopedııa, antologııa, balalar ádebıeti, medısınalyq basylymdar men tehnıkalyq bilim salasyndaǵy jınaq­tardan quralǵan jıyny 10 myń kitap endi Nur-Sultan jáne Almaty qalalaryndaǵy má­denı oryndarǵa taratylady.

Jıyndy júrgizgen aqyn, Qazaqstan Jazýshylar oda­ǵy Nur-Sultan qalalyq fılıa­lynyń tóraǵasy Dáýletkereı Kápuly sóz kezeginde Mehmet Nurı myrza amanattaǵan ki­tap­tarǵa qııanat jasalmaı­tynyn jetkizdi. Túbi bir túr­­ki halyqtarynyń dos­ty­ǵy kitap arqyly da, qazir­gi túrki álemindegi kózi tiri qa­lam­gerlerdiń adamı qa­rym-qatynasy arqyly da jal­ǵastyǵyn tabatynyn aıtty.