Ekonomıka • 27 Qarasha, 2019

Aqtaý turǵynynan marıhýana tárkilendi

332 ret
kórsetildi
1 mın
oqý úshin

«Kóknár-2019» respýblıkalyq operasııasy aıasynda júzege asyrylǵan jedel-izdestirý sharalary aıaqtalýda. Elimizdiń kóptegen aýmaǵynda Shý alqabynan marıhýana tasymaldaǵan azamattar ustaldy. 

Aqtaý turǵynynan marıhýana tárkilendi

Mańǵystaý oblysynyń esirtki qylmy­syna qarsy is-qımyl basqarmasynyń qyz­metkerleri marıhýanany saqtaý úshin ın­dýstrııalyq aımaqta boksty jalǵa alǵan Taraz qalasynyń turǵynyn ustady.

Tintý júrgizý kezinde, jalpy salmaǵy 71 kılo marıhýana salynǵan 200 lıtrlik metall bóshke tárkilendi.

Ustalǵan adam polısııanyń nazaryn aýdarmaý úshin marıhýanany Shý qalasynan aýyldyq joldarymen alyp shyqqanyn moıyndady.

Sol ındýstrııalyq aımaqta izdeý sharalaryn júrgizý kezinde taǵy bir jergilikti turǵyn anyqtaldy, salmaǵy 1 kılodan asatyn marıhýana jaldamaly bokstan tabyldy.

Ustalǵandar kinálaryn moıynda­dy jáne ýaqytsha ustaý ızolıatoryna qamal­dy. Ustalǵan eki adamnyń ara­syndaǵy baılanysty ornatý úshin qyl­mystyq is boıynsha tergeý sharalary júrgizilýde.

 

 

 

Sońǵy jańalyqtar