Tatarstan – Reseı aýmaǵyndaǵy tabysty aımaqtyń biri ekenine toqtalǵan Nurlan Nyǵmatýlın bizdiń elimizdiń Tatarstanmen yntymaqtastyǵy jalpy qazaqstandyq-reseılik ózara is-qımyldy damytýǵa aıtarlyqtaı úles qosatynyn atap ótti.
N.Nyǵmatýlınniń aıtýynsha Qazaqstannyń Tuńǵysh Prezıdenti Nursultan Nazarbaev pen Reseı Prezıdenti Vladımır Pýtınniń dostyǵy jáne birlesken eńbegi qazaqstandyq-reseılik qarym-qatynasqa serpin berdi.
Osy rette Májilis Spıkeri Memleket basshysy Qasym-Jomart Toqaev syrtqy saıasattaǵy sabaqtastyqty jalǵastyra otyryp, Qazaqstan men Reseı áriptestigin jańa deńgeıge jetkizetinine senim bildirdi.
О́z kezeginde Memlekettik Keńes tóraǵasy baýyrlas qos memlekettiń myzǵymas mádenı, rýhanı, ekonomıkalyq baılanystaryna toqtaldy.
Farıd Mýhametshın atap ótkendeı, búginde myqty ekonomıkasy men senimdi bolashaǵy bar Qazaqstannan kóp nárseni úırenýge bolady. Tatarstan Parlamentiniń Spıkeri óz halqyn ortaq maqsat jolynda biriktire otyryp, tabysty memleket qurǵan Qazaqstannyń Tuńǵysh Prezıdenti Nursultan Nazarbaevtyń eren eńbekterin atap ótti. Jáne qazaqstandyq joldy Memleket basshysy Qasym-Jomart-Tokaevtyń sátti jalǵastyryp kele jatqanyn aıtty.
Taraptar barlyq salada yqpaldastyqty tereńdetýdiń mańyzdylyǵyna nazar aýdardy.
Al, parlamentaralyq ózara áriptestikti kúsheıtý baǵytynda qajetti zańnamalyq baza qalyptastyrý Qazaqstan men Reseı múddesi jolyndaǵy ortaq maqsattardy júzege asyrýǵa yqpal etetinine senim bildirdi, dep habarlady Májilistiń baspasóz qyzmeti.
